台友情緣的歲月︳楊紹鴻新節目獨欠金超群感遺憾 包大人17年開腦後深居簡出

資深製作人楊紹鴻出心出力打造的《一起走過》系列，由電台節目做到電視節目，成功吸納相當粉絲。繼今年3月在港台電視31播完的《一起走過的歲月》後，他自資到台灣拍攝全新一輯的《台友情緣的歲月》，先後訪問了馮淬帆、范鴻軒、謝雷、黃仲崑及林利等，第一集將於本周六（6月3日）晚上8時在他的個人YouTube頻道「Channel Gary Yeung」內播出。

同場加映：炎明熹被問事業線：我唔知我有冇 陳凱琳爆囝囝冇聽鄭嘉穎啲歌

{{hket:ul-video id="8331"}}{{/hket:ul-video}}

{{hket:inline-image name="0d8423df-6d12-475a-88ca-b82f9a53722d.jpg"}}{{/hket:inline-image}}

{{hket:inline-image name="06011001.jpg"}}{{/hket:inline-image}}

對於今次以自由身製作節目，楊紹鴻接受《晴報》訪問時表示：「上次同港台合作係有啲唔開心，決定不如自己去做，因為佢哋企硬唔肯更改播出時段（逢周日下午5點半），始終冇收視壓力嘅原因，所以係『話之你』，睇番上網點撃率，節目係有幾十萬人睇。講真做呢個節目又唔係為錢，純粹為興趣，再加上我好想同啲前輩致敬，所以好少訪問年輕一輩嘅藝人，我成日都講『走一個、冇一個』，加上我好尊重呢一行嘅前輩，因為冇佢哋種落嘅因，就冇今日大家嘅果，呢行好多嘢全賴前輩過去嘅努力，再加上呢班前輩講嘢唔使就住就住，好似謝雷就好直接話台灣歌手妒忌心好重，唔介意用前輩身份去講說話。」

一起走過的歲月︳楊紹鴻碌爆人情卡邀藝人做嘉賓 新節目排周日播：好失望【下一頁】

嘉賓名單中見到他在1995年亞視版本《包青天》內，合作過的「公孫先生」范鴻軒，卻不見同劇的「包大人」金超群及「白玉堂」焦恩俊等台灣藝人兼好友，楊紹鴻帶點感慨說：「其實唔止金哥（金超群）同焦恩俊，仲有好多人想搵。約唔到訪問金哥係有啲失望，好掛住佢…，上次佢做完好大嘅手術，有託范鴻軒問候佢，聽聞金哥嗰次手術之後深居簡出，佢好少見人。」

一起走過︳麗莎憶「昏睡」11年從冇想放棄 「見阿仔喺我身邊就唔想死」【下一頁】

楊紹鴻指當年金超群同范鴻軒等好友，應邀到泰國擔任音樂台的開台嘉賓，金超群在綵排時突然話忘記《包青天》主題曲《新鴛鴦蝴蝶夢》的歌詞，但這首歌已唱了過萬次有多，後來經檢查後發現是患了腦腫瘤。金超群於2017年與范鴻軒現身台北公開活動時，承認做了開腦手術，並展示頭上的「L形」疤痕，稱早前檢後發現腦內有個5cm的腫瘤及4cm的積水，診斷後決定進行開腦手術，身體已經康復過來。

（↓點擊放大睇圖片↓）

至於《台友情緣的歲月》打頭陣嘉賓是馮淬帆，身經百戰的楊紹鴻承認見面有點兒驚，皆因視對方是半個恩師，「冇佢就入唔到TVB，對佢係有啲敬畏，講嘢會冇咁口臭…，而家電視圈冇佢呢種級數嘅演員同製作人，以前有佢參與嘅劇集，唔會有演員唔記得對白，唔會唔熟讀劇本就拍，同埋唔會敢遲到，佢性格係越熟越鬧得犀利。」楊紹鴻現已返回泰國埋首剪輯台灣之旅的訪問，表明會再出發去台灣，希望有緣跟金超群見面及做訪問，而新節目還有後續的《泰友情緣的歲月》，及分享移居泰國要點及日常生活的小貼士，將會在頻道陸續上架。

撰文：梁榮達

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】