袁偉豪與老婆結婚3年終造人成功 張寶兒出活動博盡開胸未見肚

袁偉豪同張寶兒結婚3年終於有喜！2020年11月喺清水灣愛巢傲瀧舉行婚禮，3年間不時分享二人甜蜜生活點滴，係遲遲未造人成功。今日終於有好消息，唔少圈中人都留言恭喜佢哋呀！

同場加映：

炎明熹被問事業線：我唔知我有冇 陳凱琳爆囝囝冇聽鄭嘉穎啲歌

{{hket:ul-video id="8331"}}{{/hket:ul-video}}

袁偉豪、張寶兒同步於社交平台post一張相，佢哋一齊攞住超聲波照片，袁偉豪：「你既（嘅）來臨讓我們感到無比的幸福 #一切從新開始 #感恩 #好好建立我們的生活」。太太就留言：「想和愛我們的人分享這個消息，我們有孩子了！感恩走到這個生命階段，感恩上天賜予寶貴的禮物，為我們注入強大能量，願世界好好待他，也願他的到來為世界帶來更多美好 #袁寶 #袁寶和袁寶寶」。

{{hket:inline-image name="4.jpeg"}}{{/hket:inline-image}}

唔少圈中人都恭喜佢哋，二人好友陳山聰就表示：「Jaco（陳山聰囝囝）終於有飯腳喇！」睇嚟等袁偉豪、張寶兒造人成功等到頸都長埋。佢哋未有公開BB性別，睇嚟BB未係好大，日前寶兒出席活動時仍然博到盡，着上貼身開胸閃閃長裙，絲毫見唔到佢有小腹。

袁偉豪2020年於加拿大尼亞加拉大瀑布向張寶兒求婚成功，後者更大曬三卡鑽戒，翌年喺佢哋嘅愛巢舉行婚禮。張寶兒爸爸「底褲大王」張煌豪擲4千萬首期，幫袁偉豪同張寶兒以聯名形式，用6,568萬元買入清水灣傲瀧一個花園複式單位築愛巢，實用面積2,205平方呎，連568平方呎私人花園，呎價近3萬。二人再擲多4百萬買入兩個車位，連樓價合共約7,000萬。

撰文︰娛樂組

圖片來源：Instagram