守下留情丨潘志文大氣電波尋覓事業大恩人 演楚留香對撼鄭少秋共用一靴？

港台節目《守下留情》繼上次訪問麥振江時提到他跟潘志文撞樣的事，近日就邀請到潘翁本尊接受訪問，大談他的入行經過，潘翁直言自己發展之路尚算順利，不過有一件事仍然耿耿於懷，就是開啟他演藝之路的伯樂失聯，他特別透過節目開名公開尋人，希望找到對方可以再續友情。

同場加映：中年好聲音丨彭家麗被參賽者感染重燃鬥志  硬頸拒走捷徑：活著已經好感恩

{{hket:ul-video id="8360"}}{{/hket:ul-video}}

御用中風王︳潘志文憶當年演鄭少秋經典角色 臨出街收律師信：香帥變盜帥【下一頁】

{{hket:inline-image name="345916335_205655832324270_8372935765291484680_n.jpg"}}{{/hket:inline-image}}

潘志文提到由於小時候父母離異，家境不太好，媽媽安排他去澳門讀書，但當地無親無故，「我有個爸爸喺澳門，不過媽媽叫我唔好搵佢，情願畀我去老師屋企寄宿同搭食，老師好惡呀，兜後尾枕打落嚟，所以我唔敢曳，亦唔會變飛仔或者壞人，但我好驚佢！由細到大變成講說話比較少，有少少自卑，冇諗過長大會做戲。」他表示在老師家住，心理上不太喜歡讀書，所以很早回港出來工作，起初跟哥哥去印刷廠工作，因一個契機投考國泰電影公司訓練班，「當年唯一娛樂就係睇戲，睇好多陳寶珠、蕭芳芳、謝賢、胡楓等等，開始鍾意扮靚，袋把梳喺個袋度咁，朋友覺得我幾靚仔又貪靚，所以叫我寫信去申請訓練班，咁就入咗！」

他表示展開演藝之路全靠這位鼓勵他的朋友，可惜由於一些誤會令雙方失聯多時，他希望透過大氣電波公開尋人，「佢應該嬲咗我，可能我唔識做啦，紅咗之後冇請佢食飯，又冇送嘢畀佢！近來已經冇晒聯絡添，我真係想尋訪番，佢叫黃隸煊，當年喺藥房工作，所以日日睇報紙，見有招募廣告就話我知，我曾經話佢老婆唔好，因為佢老婆好鍾意單單打打，話我好唔關照佢老公，當時真係唔醒水！」

顏國樑68歲Keep住招牌鬍鬚 為長糧當差因潘志文一句話放棄【下一頁】

潘志文坦言初演電視接到的角色都比較正氣，後來就挑戰較有趣的角色或者奸角，「其實我份人都幾費玉清，識講鹹濕故仔或者唱有味歌，自從過無綫之後，我就成日做反派，之後就御用中風，近排又演老人癡呆。」提到跟張國榮在劇集《鱷魚淚》合作，他表示：「雖然係新人，佢都幾招積呀，仲呻話啲人成日話佢學羅文，將來佢話一定要紅過羅文。」至於跟鄭少秋的《楚留香》鬧雙響，但潘志文指跟秋官私下是識英雄重英雄的關係，他說：「我扮楚留香對白色靴都係寫鄭少秋個名呀！其實當年好茅躉，租架開篷巴士著晒古裝特登駛去無綫門口，初初同秋官唔係咁熟，後來1995年就同佢喺無綫合作《天地男兒》，秋官仲搞笑話我對眼大佢咁多，我話我老花眼鏡所以大啫！」他表示當年拍劇非常辛苦，不過食得鹹魚抵得渴，「既然電視台花資源捧紅，冇可能唔博！後遺症就係冇機會休息，連刷牙都冇機會，搞到有牙周病！而且成日拍古裝，頭套幾日唔除，侷住晒啲加埋膠水 ，好快髮線向上。」

{{hket:inline-image name="d62c9604-f9a5-4d41-b9ef-d01a14f03214.jpg"}}{{/hket:inline-image}}

{{hket:inline-image name="d489f901-a240-49a2-87bd-3ad03e89448a.jpg"}}{{/hket:inline-image}}

{{hket:inline-image name="43315223-7bdd-40b6-933d-a2e7e919609d.jpg"}}{{/hket:inline-image}}

在節目尾聲，潘志文主動提起早前顏國樑提到他的一次言論，「顏國樑同我好好，係沙煲兄弟，佢提到有次我同佢食完飯爭畀錢，佢話我話：『爭乜鬼，我搵錢易過你，我畀啦』咁，佢講完呢句好大迴響，朋友話我點解要咁樣講嘢！我唔係咁講，我係講：『我搵錢多過你，我畀啦，爭乜鬼！』，有咩分別呢？係有，我搵錢唔容易，絕對唔會易過你，但我真係搵得多過你，我辛苦嘛，所以我請囉，又唔係多錢（餐飯）！」他表示希望將真相講出來，問到有沒有影響兩人之間感情，他說：「近年比較少接觸、少來往，但呢個訪問出街好多人追住我問，我都係出心，為你好！」

{{hket:inline-image name="10_600.jpg"}}{{/hket:inline-image}}

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】

撰文：娛樂組