CYC家族丨唐寧召集童星何靈靈李佩蕙合體 暗戀張繼聰冇同黃寶龍拍拖

唐寧自從移居紐西蘭生活後，一直積極經營她的YouTube Channel「Leila Kong 唐寧」，除了相約不少圈中好友「得閒食飯」傾偈之外，她都有拍攝不少紐西蘭的生活體驗。早前她邀請到昔日好友黃寶龍一齊隔空合體後，獲得不少網友高度關注，不斷追問他們童星的生活，更有網友問及兩人有沒有拍過拖或者暗戀對方。當時，唐寧稱一直跟《CYC家族》的童星們保持聯絡，期待可以全部人一齊拍片重聚。沒想到言出必行，極速成事，今早就分享他們重聚的影片。

同場加映：炎明熹被問事業線：我唔知我有冇 陳凱琳爆囝囝冇聽鄭嘉穎啲歌

{{hket:ul-video id="8331"}}{{/hket:ul-video}}

唐寧黃寶龍兩大童星重聚話當年 驚爆互獻初吻 網友追問：拍過拖？【下一頁】

{{hket:inline-image name="3504633.jpg"}}{{/hket:inline-image}}

{{hket:inline-image name="12b4b704-66e0-49e8-877e-5f65694c0659.jpg"}}{{/hket:inline-image}}

唐寧邀請到黃寶龍、張繼聰、何靈靈及李佩蕙同框重聚，五位將昔日的照片分享，大家的容貌完全冇變。今次組合仍欠梁俊傑（傑仔），他們趁傑仔不在場，瘋狂講傑仔的壞話，指他是大哥哥用Jean Paul銀包，又帶他們去篤波，非常搞笑。《CYC家族》當中，李佩蕙、何靈靈和唐寧是飾演三姊妹，有不少合作的戲份，而黃寶龍和張繼聰等就是同校同學，張繼聰指劇中跟何靈靈是一對，不過現實中何靈靈跟另一位童星「洋蔥」玩，他說：「靈靈喺我心目中係永遠得不到嘅女朋友仔！」反而當時追星極愛楊采妮，好羨慕黃寶龍可以同楊采妮一齊拍廣告。

唐寧表示上一次直播之後，不少網友都追問她跟黃寶龍到底有冇拍過拖，唐寧指自己有暗戀過張繼聰，由於劇中他的角色「劉德華」又乖又叻，氣質又好，拍攝時一度「沉船」，而黃寶龍說：「直到後期，我直頭改唐寧花名叫外星人，邊有一個人眼珠黑到咁呀？好似睇《今日睇真啲》羅茲威爾事件咁，所以稱佢為外星人！我同佢隻手指冇接觸到。」

唐寧孖愛犬移民家人隨後到 保持童顏：唔介意臉上有皺紋【下一頁】

張繼聰提到《CYC家族》邀請不少新晉歌手客串，最難忘是梁漢文和鄭嘉穎，劇中飾演他們的老師，他表示嘉穎好文靜，但梁炳成日同佢哋踢波，仲不斷叫佢唱歌。當他問幾位女仔有沒有心心眼，黃寶龍說：「應該有呀？鄭嘉穎當年真係好靚仔喎！」但李佩蕙、何靈靈和唐寧均表示有讚嘆哥哥靚仔，但談不上喜歡對方。張繼聰表示跟譚凱琪的家姐譚凱欣拍《CYC家族》，事後在TVB跟譚凱琪合作時感覺好相似，當追問下才知道是兩姊妹。

{{hket:inline-image name="HOLING9.jpg"}}{{/hket:inline-image}}

張繼聰出賣當年一張相，他跟黃寶龍竟然跟粉絲手拖手十指緊扣，他笑言：「當時我哋電視大樓開工，係收到好多Fans信同無限咁多手繩...嗰張相係人生高峰，亦喺嗰時開始完結，之後冇試過女fans咁樣撓住我，個天畀啟示我，叫我算吧啦，偶像派行到13歲，就要轉型。」

內容來源：https://www.youtube.com/watch?v=J5ZkGcJ8UFY

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】 

撰文：娛樂組