愛回家丨劇情交代Latte被炒Peter轉職 杜大偉消失：去屯門倉唔係哈爾濱

《愛回家之開心速遞》演員人腳經常有變動，角色出出入入，劇組有時候都未必交代得切，日前一集劇情中，大小姐（林淑敏 飾）已經炒咗Latte（鄧伊婷 飾），而至於Peter（杜大偉 飾）則跟阿壯（焦浩軒 飾）內鬥失敗，擦鞋功夫輸畀阿壯，在細龍生（鄭世豪 飾）和二太佘秀琴（蘇恩磁 飾）安排下調到屯門貨倉。

同場加映：中年好聲音丨彭家麗被參賽者感染重燃鬥志  硬頸拒走捷徑：活著已經好感恩

{{hket:ul-video id="8360"}}{{/hket:ul-video}}

星光路上｜杜大偉曾邀陳妙瑛客串《愛回家》 爆好友心郁想復出但有咩考量？【下一頁】

{{hket:inline-image name="3c6e6d24-d1ff-486e-b772-019ad4323b9f.jpg"}}{{/hket:inline-image}}

{{hket:inline-image name="5f37b8c1-67fd-4bdd-8555-e8dcffb1de7f.jpg"}}{{/hket:inline-image}}

{{hket:inline-image name="88_600_600.png"}}{{/hket:inline-image}}

過往的劇情中，Peter是佘秀琴的表弟，「黃馬褂」身分在公司中，幾乎是橫行霸道。今次竟然被調到屯門貨倉？加上連日來暫時未見Peter的出現，下星期一的預告更見到Andy（崔錦棠飾）將會爭取頂替Peter，希望可以出任行政部部門主管的位置，網友們難免擔心杜大偉是否被調離劇組。

杜大偉接受《晴報》電話訪問，他表示：「多謝大家關心！放心，我唔係調去哈爾濱，我去屯門貨倉啫！其實之前向公司請咗假，因為接咗啲內地工作，又同時間開緊其他劇集，時間上抽調唔到，暫時離一離開，完成手頭上工作之後，我就會返去《愛回家》嘅懷抱喇！」

Peter雖然暫別劇組，由於他跟Mia（何綺雲 飾）的熒幕情侶形象深入民心，照樣接到相關的工作。杜大偉︰「今日我攞正牌用關彼得嘅身分同Ma姐仲有三太（樊亦敏）一齊拍攝明愛70周年紀念節目，感覺非常夢幻，好高興認識到風趣幽默嘅 #香港明愛總裁 #閻德龍神父 感謝明愛嘅上上下下都喜歡Peter & Ma姐呢對歡喜冤家CP，當然要衷心感激 #愛回家之開心速遞 同埋 #關彼得 為小弟帶來許多新機遇，亦令觀眾更加認識我，實在感恩！」其實杜大偉都百足咁多爪，除了有自己的生意外，無論香港還是大陸都頻頻接到司儀或者登台的工作，非常勤力賺錢。

【愛回家】杜大偉開廣告公司要退居幕後？ 公司用太太名：錫老婆會發達【下一頁】

{{hket:inline-image name="8275419f-23a3-496b-a986-6628a9ee2e3e.jpg"}}{{/hket:inline-image}}

至於Latte是人事部的秘書之一，飾演Latte的鄧伊婷原本要返內地拍攝《一舞傾城》而向《愛回家》劇組請假，後來因為確診而失去角色，她決定在內地遊山玩水散心，連帶《愛回家》也久久未有歸期。人事部秘書角色改由Mocha（梁允瑜 飾）頂上，雖然Latte一度以古裝打扮，客串閃現，最終仍然擺脫不到被踢走的命運，日前一集由大小姐和送水輝（許家傑 飾）口中交代她已經被炒魷！

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】 

撰文：娛樂組