中年好聲音丨柳冕交通意外癱瘓被質疑應否生育 怕囝囝受歧視送返學早一條街走

《中年好聲音》廿六強之一的柳冕坐住輪椅參賽，不少參賽者、觀眾同評判都為之感動，欣賞他的生命力和堅毅力。47歲的柳冕近日接受香港電台節目《睇得見‧聽得到》的訪問，跟兩位同樣是殘疾人士岑幸富、陳錦鴻傾談作為不健全人士的爸爸心聲。原來柳冕的兒子鎔真已經11歲快將升讀中一，在訪問中談到兒子非常生性懂事，令人動容。

同場加映：

中年好聲音丨彭家麗被參賽者感染重燃鬥志 硬頸拒走捷徑：活著已經好感恩

{{hket:ul-video id="8360"}}{{/hket:ul-video}}

中年好聲音︳Vici莊殷玥＠XiX唱歌老師改張學友經典 柳冕因車禍全癱：殘都可以追夢【下一頁】

{{hket:inline-image name="lau17.jpg"}}{{/hket:inline-image}}

{{hket:inline-image name="lau18.jpg"}}{{/hket:inline-image}}

{{hket:inline-image name="lau19.jpg"}}{{/hket:inline-image}}

柳冕17年前不幸遇上交通意外，導致四肢癱瘓，出入就只能靠電動輪椅代步。他在《中年好聲音》比賽中，獻唱《無言感激》一曲時，坦言意外後沮喪失落，而機緣巧合下向義工Band隊學習唱歌，花5年才能夠再次運用丹田氣唱歌，令佢重燃生命希望。「原來殘都可以追夢。」柳冕在訪問中表示意外後，沒想到會當上爸爸，他跟其他傷殘人士一樣，受到旁人質疑應否擁有下一代，「當時有番半條命生存落去已經好開心，生嗰陣冇諗過應唔應該，係自然懷孕，都曾經諗過我能力到底照唔照顧到？咁難得有咗，冇可能唔生出嚟，10個月懷孕期做好多準備功夫，等個仔出世之後可以好好成長。」

柳冕表示：「最大感觸係個仔返學嘅時候，其實每日我都會送佢返學，接佢放學。每次送佢返學都唔夠膽送到學校門口，永遠都係早一條街放低佢，叫工人姐姐送埋最後一段路。我係驚學校門口好多同學、老師同家長，見到我個仔有個傷殘人士嘅爸爸而歧視佢或者同學畀說話佢聽。」直至有次接放學，囝囝老遠跑向他，大方向同學介紹自己的爸爸，令他非常感動。「我個仔都唔介意有個傷殘人士爸爸，點解我要介意人哋眼光？呢次遭遇令我改變好大。」

{{hket:inline-image name="lau12.jpg"}}{{/hket:inline-image}}

{{hket:inline-image name="lau13.jpg"}}{{/hket:inline-image}}

柳冕說自己對孩子管教不嚴厲，後來他離婚成為單親家庭，管教都得靠自己，幸好兒子很乖巧，放學在補習社兩小時內做好功課和溫習，之後就會放任他打遊戲機或者玩耍。兒子柳鎔真受訪時，感激爸爸對他的悉心教導和溫柔對待，但有時都會想：「爸爸幾時可以企喺身同我打籃球？」節目尾聲，鎔真撰寫書信畀爸爸，期待假期來港跟爸爸踢波、露營，柳冕大為感動，亦希望真的可以做到。

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】

撰文：娛樂組