支嚳儀兼顧家庭生意與歌唱夢 倪晨曦憔悴大跌watt淡妝認唔到

昨日《中年好聲音》嘅顏值擔當支嚳儀到位於尖沙咀的烘焙店舉行聯乘活動，好友倪晨曦同簡幗儀到場支持。支嚳儀雖然生意、家庭同歌唱事業都同步發展緊，不過安排得宜嘅佢依然容光煥發；相反同場好友倪晨曦唔知係咪因為化妝問題，就顯得有啲憔悴，女神大跌watt。

同場加映：林明禎生日狂收BLACKPINK Lisa禮物 願紆尊降貴為偶像打雜做阿四

{{hket:ul-video id="8377"}}{{/hket:ul-video}}

雖然支嚳儀係烘焙店老闆娘，但對烘焙一竅不通，試過買齊食材唔識整，又搵唔到導師教，於是自己就嘗試上網搵教學片跟住整。支嚳儀稱第一間店在金鐘商業中心內，七個月已回本。支嚳儀表示烘焙店已開了五年時間，尖沙咀及銅鑼灣都有分店，而銅鑼灣分店於疫情期間開業，業績都幾好。烘焙店仲喺馬尼拉同吉隆坡都有分店，不過佢就話冇計劃上市，現階段會先做好呢幾間分店，佢表示始終自己有家庭同囝囝，而家仲要追夢，惟有犧牲睡眠時間，做到年終無休。

問到老公可有投訴，佢就話自己返到屋企就會放低手機，專心相夫教子，所以老公都冇投訴。另外，《中年好聲音2》已開始接受報名，支嚳儀表示好多學生同朋友都希望報名參賽，更鼓勵大家去追夢。

{{hket:inline-image name="DSC_1886.JPG"}}{{/hket:inline-image}}

倪晨曦(Elva)為配合主題以一身粉紅少女打扮出現，不過唔知係咪面上嘅妝容太淡，定係因為工作太忙，明顯比之前憔悴。身為兩子之母嘅Elva稱本身唔識烘焙，但識得煮家常飯，佢話：「大仔細個嘅時候都想整一啲無糖蛋糕，於是就上網學整香蕉蛋糕，但唔知點解發唔到酵，焗出嚟個蛋糕好硬。」Elva早前快閃歐洲工作，短短五日時間， 由落機忙到上機，佢都唔敢停留玩幾日，怕老公會投訴。

2020年，倪晨曦宣布封盤，同金融才俊老公Vincent 在夏威夷茂宜島 (Maui) Haiku mill舉行婚禮，但為趕在第一個兒子Virgil出世之前結婚，他們已在香港完成註冊儀式，而第二個兒子Evren亦在去年11月出世，但因為疫情關係，兩夫妻今年3月先喺香港補擺喜酒。

圖片來源：《晴報》圖片