「Dee家族」首次合體吸金 何啟華拒跟「翻版阿Dee」Aaron結拜做兄弟

ERROR副隊長何啟華（阿Dee）今日聯同「Dee家族」的《全民造星V》「翻版阿Dee」梁浩朗（Aaron）、「Dee姐」陳海寧，到太古城出席主題展覽開幕活動，阿Dee、翻版阿Dee及Dee姐首次「一家人」同場亮相，實屬難得。阿Dee直言跟Aaron十分有緣份，笑指兩人上世已結緣，所以今世互相帶挈搵銀，但就拒絕結拜做「真‧兄弟」。

同場加映：林明禎生日狂收BLACKPINK Lisa禮物 願紆尊降貴為偶像打雜做阿四

{{hket:ul-video id="8377"}}{{/hket:ul-video}}

{{hket:inline-image name="102.jpg"}}{{/hket:inline-image}}

{{hket:inline-image name="DSC_3961.JPG"}}{{/hket:inline-image}}

阿Dee表示找他和Aaron一起出席是因為配合電影《閃電俠》的情節，但奈何他忘記通知歌迷會，讓希望跟他見面的粉絲未能到場，令他感到十分歉疚。Aaron則表示第一次出席公開活動感到緊張又好玩，又形容跟阿Dee世紀同框好得意。二人期待可以在戲劇方面合作，阿Dee更笑言可以找Aaron做其替身，Aaron笑言︰「佢有其他嘢做時，可以搵我攝住先，任何工作機會或者幕前都可以試吓。」順利進入《造星V》60強的Aaron，拒透露何時被淘汰出局，但強調仍會兼顧大律師工作，身旁的阿Dee即表示︰「藝人呢啲係副業，大律師千祈唔好放棄。」

{{hket:inline-image name="101.jpg"}}{{/hket:inline-image}}

{{hket:inline-image name="DSC_4090.JPG"}}{{/hket:inline-image}}

問阿Dee覺得Aaron可以走到多遠？他說︰「佢應該一世可以做到律師，藝人都可以兼職吓，盡力而為啦，不嬲攞獎唔代表最好，輸贏唔重要。同埋佢已經贏咗㗎喇，一行出嚟已經成為焦點。（因為你帶挈？）互相帶挈啦，緣份真係好難講，我無啦啦做咗個律師角色，之後走個律師出嚟同我撞樣，仲要係參加《全民造星》，成件真係解釋唔到，可能上一世已經結緣。」問二人可會結拜做「真‧兄弟」？阿Dee沒有正面回答，只表示︰「係咪要燒黃紙、斬雞？」Aaron則謂︰「大家就咁望都覺得似兄弟就夠，有機會請你（阿Dee）食飯。

{{hket:inline-image name="DSC_3813.JPG"}}{{/hket:inline-image}}

而《造星V》參賽者魏念恩（Nathan）的女友早前墮樓身亡，Nathan撰文悼念女友時，被家屬鬧爆虛情假意，日前則低調出席女友喪禮，問Aaron可知對方最近心情如何？Aaron即封咀謂︰「關於其他朋友仔嘅嘢就唔回應喇！」

{{hket:inline-image name="DSC_4076.JPG"}}{{/hket:inline-image}}

至於同場出席活動的游學修，將於9月與黃秋生合演舞台劇《極地謎情》，他透露黃秋生已背熟7成對白，直指對方很「恐怖」。而演出舞台劇前，游學修將拍攝黃修平執導的新片，飾演失聰人士的他，花了半年學練手語。他又否認「試當真」因多角度影射現今偶像而搞到「脫粉」:「無呢件事，我哋每個月都有投票，觀眾反而最鍾意我哋呢條片，同埋我哋只係扮演角色，有講hater同fans，但無冒犯任何人，網上好多消息都係假嘅。（以後會慎言？）慎言咗好耐，我依家好乖。」

{{hket:inline-image name="DSC_3801.JPG"}}{{/hket:inline-image}}

撰文：倪小珊

攝影：林良明