江若琳囝囝提早出世手忙腳亂 讚老公蕭唯展：克服晒佢驚嘅事

江若琳（Elanne）和蕭唯展（Oscar）2018年結婚，人前人後都勁恩愛，亦隨時ready生B。終於佢哋喺上年聖誕節前夕宣布有喜，眨吓眼Elanne就已經生埋喇！今日兩公婆同步喺社交平台宣布囝囝出世嘅好消息，真係恭喜晒呀！

同場加映：林明禎生日狂收BLACKPINK Lisa禮物 願紆尊降貴為偶像打雜做阿四

{{hket:ul-video id="8377"}}{{/hket:ul-video}}

Elanne post出同老公囝囝第一張全家福，仲大方分享多張bb嘅大頭相，相中見到bb一出世已經超多頭髮，有一張仲嘟住嘴仔，好似向媽媽索吻咁，非常可愛。Elanne寫下佢畀囝囝嘅第一封「家書」：「Bb包（囝囝乳名）我哋終於見面啦！我等咗你好耐啦！雖然你比我預期中早咗兩日出現，明明媽媽我book咗餐廳，食餐好過兩日先施施然生你㗎嘛！唔緊要，以後你嘅人生都可以好似咁，由你自己去決定，我知道呢個係你嘅選擇，我會永遠支持你、尊重你，爸爸媽媽會成為你生命中最強大嘅後盾，你突然間要發動，一切嚟得好快！雖然過程中有少少驚險，但當下我只係知道我要拼盡所有力氣去保護你，將你平安帶到嚟呢個世界。我哋合力完成啦，give me five，感謝你健健康康 ，平平安安！」

{{hket:inline-image name="1.jpeg"}}{{/hket:inline-image}}

Elanne又特別多謝幫忙嘅醫護人員，減輕佢生產痛苦，令佢一直都好安心同有信心；而助產士同所有姑娘，都好耐心教導佢點樣做媽媽 。當然，佢都有多謝老公Oscar：「最後我想畀最大嘅掌聲bb包爸爸，最初見佢慌慌張張，以為佢流流地，點知到生產整個過程佢一直畀好大嘅支持我，係我耳邊打氣，同我講 ：『咩都唔好擔心，加油push!』然後佢克服晒佢最驚嘅事，我哋成功啦！」

Elanne透露bb包於6月7日凌晨出世，仲幫呢個「男朋友仔」改英文名為「Owen」，更即時開埋IG帳戶同大家分享囝囝嘅靚相，Elanne表示：「＃我搵到我嘅初戀了＃我最愛的男朋友」。至於正印老公Oscar就話見到老婆生得咁辛苦都心痛：「我陪老婆步入產房，看到甚麼是十級痛楚，看到你痛到頭也要爆開了，我分擔不到你的痛，雖然陪著你，但幫不到甚麼，只能按着你頸後說加油，很勇敢、很偉大、很有愛的媽媽，辛苦老婆。」Oscar更加話以後將所有好嘢都留畀老婆同囝囝，最差就由佢嚟來撐，勁sweet呀！

圖片來源：Instagram