歌手炎明熹（Gigi）接受港台《舊日的足跡》訪問，趁父親節，Gigi特別公開感謝爸爸和一眾姑丈們。「我有五個姑媽，帶大我嘅係四姑丈，而最近大家見到嘅係五姑丈。佢哋都當我係女兒咁疼愛，我幸福滿瀉！爸爸係一名跌打醫生，曾喺鄉下有診所，我喺香港出生，回鄉時就住喺診所。我哋家傳做跌打，其實我都有興趣，可惜傳男不傳女，所以細個我希望同媽媽一樣做護士，幫助同照顧病人。」
同場加映：黃光亮視黃霑為榜樣夜店下跪拜師 人生閱歷豐富 半退休學笑看風雲
{{hket:ul-video id="8483"}}{{/hket:ul-video}}
聲夢傳奇｜炎明熹Gigi素顏學生Look出席畢業禮 黃奕斌Hugo中央戲劇學院畢業超興奮【下一頁】
Gigi表示除了多謝爸媽誕下她外，還很感激四姑丈，沒有他，大家便不會認識到炎明熹。「當年我見到四姑丈同姑媽拉住行李話要離開汕尾去香港，我就死都要跟埋一齊去，仲自己執行李，就咁就跟佢哋嚟咗香港。由幼稚園至初中，我都係跟四姑丈住，後來為咗方便學唱歌，就同五姑丈、姑媽一齊生活。」
小小年紀便與父母分開，Gigi坦言當年也有不開心的時候，晚上一關燈便會在床上哭。後來明白到父母要照顧爺爺嫲嫲和弟妹，所以學懂珍惜大家見面的時光。「我要肉麻咁講：『各位爸爸， 我好喜歡你哋，冇你哋，就冇今日嘅炎明熹。祝你哋身體健康、笑口常開。不過聽到我咁肉麻你哋唔好喊，我會做得更加好，同時孝順你哋！」
Gigi的原名「王佳恩」是父母從網上找到的，後來覺得名字太普通，於是改為「王玲芝」。爸爸不斷替她改名字，她也不喜歡。直至14歲那年，音樂學校的改名師傅替她起了一個新名字，說跟她的外形很相襯，結果翻開一看「炎明熹」這三個字，她非常喜歡，幸而家人沒有介意她改了姓炎。她續說：「我參加《星夢傳奇》梳了一個好高齊蔭髮型，好似火星人咁。當時髮型師話冇參賽者願意剪呢個髮型，我話冇所謂，佢一下子就剪落嚟，我好驚訝，睇咗幾日都覺得好搞笑，之後就跟佢和諧共處喇。初時大家話我來自火星，覺得我講說話同行為怪怪哋，我又唔太覺得，可能係我個髮型太似《星空奇遇記》個火星人冼樸。多謝各位畀呢個稱呼我，令大家留下深刻印象。」
聲生不息│炎明熹打開國內巿場人氣飆升 第2季名單疑似流出竟有天王天后【下一頁】
7月19日是DSE放榜日，Gigi可有想過先做歌手再升學？「我和家人討論過，希望一面學習一面唱歌。唱歌係我熱愛嘅，做得有幸福感。讀書亦有需要，要增長知識。兩者一齊進行令我有更多空間、多啲想像。我有諗過入讀演藝學院，但心儀香港理工大學嘅時裝設計課程。我鍾意畫畫，可以增加我嘅想像力。如果有一日我唔做歌手，相信可以做一個優秀嘅時裝設計師。」
對於被稱為樂壇小天后，Gigi笑稱從沒想過有這樣的成績，一心只想像媽媽一樣當護士。「我本來係個冇目標嘅人，多數係將家人畀我嘅目標當成自己嘅目標，令佢哋放心畀我前行。而家我對自己要求高咗，現階段係先將歌唱好。我喜歡梅艷芳前輩，曾有前輩話我同佢好似，我好驚喜同榮幸。我網上睇過梅姐嘅演唱會，佢最後演唱會我都睇過兩、三次，加上知道佢嘅經歷，覺得好感動。她唱低音時好有感染力；唱快歌時，瘦小身軀能夠爆發出強大力量。我都希 望能夠做到好似佢一樣。」
唱情歌絲絲入扣的Gigi可有暗戀過他人？「小學時有，但通常係自己未揀定，內心會左搖右擺，今日鍾意呢個，聽日鍾意另一個。其實邊一類男仔都冇所謂，緣份到就擋都擋唔住。我理想伴侶係一個好人，鍾意我多過我鍾意他，而且一定要孝順。幾時拍拖我都冇所謂，而家都可以，不過我暫時未遇到。」Gigi對於被封為「吸金小天后」有何感想？「冇錢唔得，但有錢亦唔係咩都得，所以唔會太聚焦喺金錢上，免得影響自己。四姑丈教我要儲錢，爸媽都送我一個有密碼嘅錢箱。我對錢唔太敏感，會請長輩為我理財。我唔知道而家有幾多積蓄，目前注意力都集中喺下月放榜日。我校內各科成績都好平均，只係數學比較差啲，但今次公開試，我好有信心！」
U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】
撰文：娛樂組