#metoo事件丨肥媽開名曾遭人摸屁股超強反擊 莫為上位被恐嚇：女仔要保護自己

台灣演藝圈「#metoo」事件越滾越大，劉傑輝、宥勝及黃子佼都先後被爆料過往向女同事、女演員等性騷擾，三人本是好好先生、好好丈夫、好好爸爸的形象盡毀。肥媽Maria Cordero昨日接受《晴報》訪問，她表示工作太忙未有留意，不過聽到事件都大表震驚，「而家都仲有㗎咩？我以為以前年代就話啫！」

同場加映：

TVB節目巡禮丨陳豪遭踢爆拍劇真咀Aimee 《中年好聲音》周吉佩顏志恒拍綜藝

{{hket:ul-video id="8493"}}{{/hket:ul-video}}

獎門人｜肥媽周吉佩傳紫菜意外咀嘴 龍婷挑戰急口令似雞叫【下一頁】

{{hket:inline-image name="1_600.jpeg"}}{{/hket:inline-image}}

］

{{hket:inline-image name="b1002806-7ce7-4844-acfb-8be1bc46135f.jpg"}}{{/hket:inline-image}}

{{hket:inline-image name="46_600.jpg"}}{{/hket:inline-image}}

肥媽表示有不少年輕女仔問她如何應對有不軌企圖的導演或前輩，她說：「我有教女仔，而家最方便就係拎住電話錄音，咁多高科技可以利用，未發生就錄佢音告佢啦！以前就冇得傾，電影、電視圈發展唔係咁健全，而家透明度好高，做女仔唔使驚，有咩事真係要講出嚟！你睇美國傳媒大亨都被人爆料啦！真係要保護女性，大佬，人哋冇阿媽生呀？有咩就即時講出嚟，唔好事後先嚟講！」

提到台灣方面連環式爆料，是否影響娛樂圈形象？肥媽表示：「以前邊有咁多呢啲嘢！甄珍、林鳳、林黛、何莉莉都好健康。而家成行咁樣講，人哋會覺得我哋呢行好亂，其實寫字樓唔亂咩？咪一樣咁亂，影響到娛樂圈形象唔好。做女仔要保護自己，條件唔得嘅就唔好做呢行，唔係靠做呢啲嘢就得，唔需要呀！唔好因為咁樣而被人恐嚇！」

肥媽斥國泰涉歧視內地人空姐 勞氣鬧冇品德：你是老幾呀？【下一頁】

肥媽外表剛強，問到是否「鹹豬手」都不敢埋身？肥媽表示：「邊個夠膽揩我油呀？我打人呀！係真人真事！當年我喺酒廊唱歌，Bobby Brown同佢爸爸嚟睇騷，當時Bobby Brown已經好有名氣，我行過佢打我屁股，我咪擰轉身兜巴摑佢一巴！唔知佢有心定冇心，摑佢一巴，畀佢知道我唔係呢種人囉！人一定要保護自己，唔可以唔出聲！」

肥媽出席TVB節目巡禮活動，並宣布她跟李家鼎、游嘉欣主持的節目《肥媽李鼎》將會添食，游嘉欣跟兩人合作時，經常都擺烏龍鬧出不少笑料，肥媽笑言：「佢激死鼎爺多啲，問鼎爺幾長又問高潮，火花都幾得意，我哋都唔知呢代講嘢係咁，不斷用短句，嘉欣係乖同生性嘅，只係講說話冇乜帶腦。（唔同陸浩明合作？）呢個係公司安排，況且陸浩明都合作咗11年，要轉一轉format，娛樂圈先有新鮮感。放心，鼎爺大把嘢爆，我哋呢個年紀又唔會講假嘢，仲有好多唔多人知嘅真實故事。」

{{hket:inline-image name="TGG_600.jpg"}}{{/hket:inline-image}}

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】

撰文：娛樂組