辭去正職開歌唱教室 周吉佩爆收生情況理想

周吉佩（吉吉）奪得《中年好聲音》冠軍後，與無綫簽約成為歌手，工作接踵而來，但吉吉因答應太太不會再為追夢而不顧一切，故一直未有辭去本來的傳媒正職。不過，吉吉有新大計，他透露已正式辭職，並開設歌唱教室，「暫時叫『吉吉好聲音教室』，點解會開？因為好多人叫我教唱歌，知道咁多人有興趣，我就認真考慮，最後用咗五位數開呢間studio，主要係租金同裝修。」吉吉指收生情況十分好，令他有信心全職教唱歌。

另外，對於《中年好聲音2》開始面試，有不少歌手、藝人參與，可有甚麼經驗分享？吉吉說︰「有幾位歌手朋友都有問我意見，我希望佢哋可以拋開歌手身份，唔好有包袱；其次係比賽時間唔短，要有玩馬拉松嘅準備，一直保持狀態。」

採訪、攝影︰黃曉妍