隱門丨阮浩棕曾離巢再做新人發展順遂 遺憾再聽不到嫲嫲梁舜燕讚賞

劇集《隱門》劇情越來越緊張，飾演逐漸黑化的張逸風的阮浩棕，獲得觀眾一致好評。雖然網友大多數以「新人」來形容他，事實上他入行已經十年時間。阮浩棕出身於演藝世家，沒靠關係從藝員訓練班捱起，感恩近年得到不少發揮的機會，慢慢做出成績令導演爸爸認同，而遺憾的是他再聽不到嫲嫲梁舜燕的讚美。

{{hket:ul-video id="8534"}}{{/hket:ul-video}}

阮浩棕這次扮演張逸風一角，首次有由頭到尾貫穿全劇的重要角色，他坦言收到劇本時大感壓力，「我明白機會係非常難得，有個咁好嘅機會，一定要好好把握！經驗話畀我知要放鬆，但難免為自己帶來無形壓力。拍攝過程上，我覺得自己過分謹慎同小心，後來拍多咗幾套劇集，再睇《隱門》播出就覺得自己太緊張。」《隱門》之後，阮浩棕於另一劇集《靈戲逼人》都有不錯的發揮，他表示非常慶幸，「今年入行第十年，十年時間仍然有好多觀眾唔認識我，成日都話呢個新人幾好，我做新人都做咗十年，但明白嘅，始終離開過TVB一段時間，過去值得留意嘅作品唔多，觀眾未認識我係正常不過。」

{{hket:inline-image name="DSC00976-2.jpg"}}{{/hket:inline-image}}

{{hket:inline-image name="DSC00977-3.jpg"}}{{/hket:inline-image}}

{{hket:inline-image name="d4a2edb7-9d59-4c0c-bfaf-a4cbd0e32a71.jpg"}}{{/hket:inline-image}}

{{hket:inline-image name="0c3191c9-53d3-4f8b-a1ba-ee60a364c235.jpg"}}{{/hket:inline-image}}

隱門｜阮浩棕興奮與吳岱融演父子 打醒十二分精神同「老竇」過招【下一頁】

阮浩棕出身於演藝世家，嫲嫲是已故資深演員梁舜燕，爸爸是著名導演阮惠源，二叔阮惠熊及姑媽阮曼莉都先後做過演員。阮浩棕笑言未知是否遺傳的關係，小時候已經有表演慾，他說：「媽媽早就預料我會行呢條路，所以同我約法三章，無論我做咩都好，讀完大學再諗。直至我決定入行，我第一個係話畀嫲嫲知，我仲記得自己講過一句，『希望將來不會被人嗌我係你個孫，而係你係我嫲嫲！』當時真係幾心高氣傲！」

直至家人為梁舜燕舉辦入行60周年晚宴，宴請不少圈中具份量的前輩出席，阮浩棕透露籌備的過程，慢慢了解嫲嫲的過去，才反省自己不知天高地厚，「我實在好大膽，能夠做到佢嘅一半？唔係，就算係做到佢三分之一已經好厲害！」他感激家人帶來豐厚資源。

初入行時，怕人家知道他是梁舜燕的孫兒，又怕自己做得不夠好，又不想靠關係得到機會，想起離世的嫲嫲，阮浩棕不禁哽咽眼濕濕，「啱啱入行入訓練班，心入面最希望係三代同堂去合作做一件事，雖然事與願違最終做唔到，《EU超時任務》感覺係圓咗半個心願，可以同嫲嫲合作，絕對係心入面最美好嘅一個回憶！其實嫲嫲對我影響最大，幾個孫入面佢最錫我，回想起嚟真係好多遺憾。由我入行開始，每次演出，嫲嫲都會讚，周圍同人講我係佢親孫，好叻仔演得好好，但我冇接受過佢嘅讚賞，因為我覺得我做咩佢都覺得好㗎啦！好遺憾到而家我終於有少少成績，觀眾見到我，但我再聽唔到佢嘅讚美。」

隱形戰隊 X EU超時任務｜阮浩棕「鏗少」演技被讚保持謙厚 不敢重溫與嫲嫲梁舜燕同框劇【下一頁】

{{hket:inline-image name="DSC01005-2.jpg"}}{{/hket:inline-image}}

{{hket:inline-image name="DSC00996-2.jpg"}}{{/hket:inline-image}}

2017年阮浩棕離開TVB北上發展，他形容從來沒想過要有巨大突破或者賺大錢，一切都是學習過程，由於爸爸早年就在內地工作，兩父子感情不算深，直至過去的幾年在內地得到爸爸的照顧，修補雙方的關係，「當初我入行，爸爸一早就話咗唔會帶我上去拍戲，因為我咩都唔識，上去注定失敗，所以入TVB由低做起。起初演戲我都唔太聽佢意見，但我忘記其實佢係一個經驗豐富嘅幕後大前輩，北上幾年見識到佢嘅工作態度，認識到唔同嘅人，再新思考番爸爸對我講過嘅說話，心諗如果早啲聽得明佢嘅說話就好啦！」他近年重返TVB，在《我家無難事》、《隱形戰隊》和《隱門》等演出都有不錯的成績，一向嚴厲的爸爸見到他的表現，都稱讚兒子有進步。

阮浩棕認為自己演藝的路不算得一帆風順，靠過去的經歷慢慢鋪墊，逐漸成長，他參演的《靈戲逼人》、《異空感應》及《非常檢控觀》都已經完成拍攝，希望將來的作品可以更能讓觀眾滿意。「而家我會觀察自己有咩不足之處，希望慢慢改善，（想做男主角？）我相信任何一位演員都想當主角，係咪呢一刻我唔肯定，就算感受到自己成長同進步，我都希望有循序漸進嘅過程。」

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】 

攝影：林君茹、馮凱宜
撰文：楊安莉