催谷未婚夫操6嚿腹肌 湯洛雯望馬國明做大隻新郎

湯洛雯（靚湯）昨日為美容中心擔任剪綵嘉賓，近日未婚夫馬國明（馬明）拍畢劇集《新聞女王》，她透露二人首度到屋苑會所泳池游水，希望在年尾的大喜之日，以最佳狀態示人。靚湯自爆希望馬明操出六嚿腹肌，「佢鍾意踢波，跑得多就變鋼條身形，一向係無脂肪嘅人，我話婚禮想見到佢有六嚿腹肌，依家得兩嚿！」問到馬明是否半裸騷肌影婚照？靚湯笑稱︰「咁恐怖？唔會做呢啲，我哋想走浪漫路綫，希望嘅婚禮氣氛係輕鬆同開心。」

靚湯又透露瘦身目標是回復參選港姐時的狀態，她說︰「依家已經減咗10磅，減多10磅先達標，想去到人生最瘦。」她指落實由妹妹擔任伴娘，姊妹團和兄弟團人選則未定，而賓客名單大致落實。

採訪︰Steven

攝影︰林良明