姜濤撞樣泰國低成本Cosplay男孩 留言相認粉絲讚：大方有量度

日前姜濤有份參演、於紐約取景電影《我的天堂城市》發放宣傳照，姜B於電影中扮演一名到異地追夢嘅年輕人，全程素顏上陣，好Pure好true。網上討論區就有人拎姜濤其中一張劇照同泰國著名嘅「lowcostcosplay」低成本Cosplay網紅比較，變成「雙胞胎」發現案。

同場加映：陳慧琳爆兒子最愛看周星馳電影 自薦飾演《少林女足》退休教練

{{hket:ul-video id="8545"}}{{/hket:ul-video}}

今日有人喺討論區以「Lowcostcosplay 連姜濤都夠膽cosplay」為題開post，並post出姜濤《我的天堂城市》中嘅劇照，姜濤喺相中面圓圓，而且應該冇化妝、冇set頭，前蔭有一定長度嘅佢「中分」，非常清新；無獨有偶，Lowcostcosplay男孩曾經post出一張抱貓照，都係梳同一個「中分」頭。不過相信呢位泰國網紅並唔認識姜濤，咁都撞樣只係咁啱得咁橋。然而有網民發現佢呢個《龍珠Z》嘅「杜拉格斯頭」同另一位明星更為相似，就係似足郭富城90年代影低嘅一張抱貓硬照，一張相似足兩個人，真係夠晒「low cost」！

{{hket:inline-image name="123.jpg"}}{{/hket:inline-image}}

而討論區嘅IG帳戶亦有分享呢個post，仲唔到姜濤竟然有follow，仲親自回應，表示：「真係好似」，更附上笑到喊Emoji。唔少粉絲都大讚佢回應得體：「真係大方,EQ高。」、「大方有量度。」、「欣賞你嘅風度同幽默感。」、「姜姜心胸廣闊，好大方。」更有fans表示：「就算你做返肥仔，我哋都會繼續支持你。」

不過其實畀人話同呢個泰國男孩相似，就真係一啲都唔使嬲，仲應該高興添，事關呢位泰國男孩男孩來頭唔細，係真正嘅「國際巨星」。相信新生代對呢位泰國低成本cosplay男孩一啲都唔陌生，佢多次憑住鬼馬嘅創意，只係用極低成本製作cosplay，但每次都可以引起網民共鳴同埋捉到笑點，而引起網路話題。而佢喺全球嘅人氣比姜濤更加勁，姜濤IG有104萬Followers，而低成本cosplay男孩IG就有近205萬Followers，幾乎係姜濤嘅兩倍，非常犀利。然而，泰國男孩都冇因為自己人氣惰怠，Keep住水準出post，2017年佢曾經為個人健康減肥，憑節食同做運動，在短短一個月內極速減肥22KG，認真誇張。佢瘦咗之後有型靚仔咗，不過大家覺得佢冇咗喜感，唔知係咪因為咁，現時嘅佢已經肥番，真係「為藝術犧牲」！

圖片來源：Instagram