有病睇中醫食中藥，經常都會聽到坊間秘方流傳話能醫百病。《東張西望》昨晚（3日）播出一集，一位陳小姐（化名）接受訪問，懷疑母親在屯門新墟街巿一間雜貨店買中藥被騙大額金錢，慘當「水魚」，一年買足十幾萬中藥，陳氏吐苦水話「搞到傾家蕩產」，同時反被舖頭老闆娘指責欠錢未還，一波未平一波又起。《東張》採訪隊去舖頭採訪，亦被惡男追趕。
同場加映：
全民造星V丨Nathan女友離世認曾考慮過退賽 王鋒跟阿澤反目糾紛仍需時間解決
陳小姐接受「東張女神」梁敏巧訪問時表示，母親兩年多前睇西醫，發現甲狀腺出問題，定期覆複診一段時間之後，便偷偷改服用中藥醫治。後來抽組織化驗，報告結果並非惡性腫瘤。可憐陳母期間太擔心，試用不同方法醫治而出事。陳小姐指出，母親由最初花一萬元左右買兩劑藥，之後四劑已要價五萬元，直言：「都唔知係幫佢（陳母）定當佢水魚？一年就用咗十幾萬！但唔知食咗乜藥。」陳母幫襯的雜貨店，買中藥並沒有連同藥單，所以根本唔知佢吞咗甚麼落肚！
東張西望丨老父離世三份遺囑兄弟爭拗不果 大哥稱長兄為父話晒事為爭產反目【下一頁】
東張女神│梁敏巧公幹再遇靈異事嚇到喊 獨自自拍變「多人」合照：好恐怖【下一頁】
陳小姐續表示，當初母親只是去買湯水藥材，舖頭人多，意見開始多，得知陳母頸部有腫瘤，陳小姐︰「佢哋話嗰啲係癌嚟嘅，話好彩早嚟睇，慢慢幫佢清。」陳小姐提供了舖頭卡片，用簡體字寫著「高級藥材批發 有祖傳袐方 調理奇難雜症」，睇落好似乜病都醫到，但卡片「流流哋」，十分多錯字。
陳小姐深感不妥，去舖頭了解，向老闆娘查詢其母服用了甚麼藥材，但對方態度不合作。從錄音對話中得知，老闆娘叫陳小姐放心，陳母食用的藥材有保障，惟獨這是家傳袐方，故不能提供藥單，言談間提到當中有紅參、海馬、海龍、海雀。香港中文大學中醫學院及中西醫結合研究所客席副教授林冠傑，在節目內提供專業意見，他指就算用以上藥材，都未必要咁貴，說：「價錢係貴啲幾千一斤，但每次用嘅分量都係十幾克，加埋幾百元。如果幾千、一萬，好少聽過會咁，成劑藥一千已經好誇！」
老闆娘曾經展示「隱世神醫」功力，原來陳母向老闆娘透露，其女兒有婦科病，於是未經把脈、問診，便開了一包中藥粉給陳小姐，指她子宮出現問題，這又收取一萬多元。
糾紛未完結，現時老闆娘反指陳母尚欠五萬幾元未找數，舖內另一個男人甚至出言恐嚇，咆哮︰「知你住邊！你再唔還搵就收數公司追，落灣仔警察總部，send埋你老公張相...告你哋...」梁敏巧去舖頭了解事情，老闆娘和一名男子越講越火爆，發爛渣要報警。該男子一度阻止攝製隊、梁敏巧離開，後者聞言，「女神」變恐龍，不懼怕惡勢力，她窮追猛打反追問男方，「你點解不斷用粗口鬧我？你點解不斷用粗口鬧我？」節目組亦就事件向衞生署查詢，得到書面回覆，根據中醫藥管理委員會初初步資料，涉事店舖並非任何中醫，或表列中醫的登記地址，個案已轉介警方跟進調查。
U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】
撰文：娛樂組