ViuTV《全民造星V》可算是《造星》系列播映以來，最多是非的一屆，最具爭議的阿澤即場踢爆王鋒擅改舞步事件，竟然至今仍在發酵中，就連幕後亦公開發聲，當中牽涉到有參賽者被欺凌事件？
同場加映：全民造星V丨Nathan女友離世認曾考慮過退賽 王鋒跟阿澤反目糾紛仍需時間解決
《造星V》導演曾偉樂在FB群組中，公開撰寫長文重提阿澤踢爆王鋒擅改舞步事件，文中除了提及阿澤不是某樂園工程師，又指他經常寸Tsoul，強調王鋒道歉片不是補拍等等。
導演又稱自己最不開心的，是來自馬來西亞、現年18歲的黄昱翰（Kingston）在參賽期間被隊友欺凌，但他指Kingston幸得到Tsoul照顧，導演在文中表示：「有負責佢嘅writer同我講佢經常受到欺凌，而我亦喺我哋嘅素材入面，成日見到其他隊員有取笑佢口聲（音），不過Tsoul真係好照顧Kingston ，有次彩排Kingston無錢搭車返酒店，得Tsoul肯即時畀咗500 Kingston搭的士。」
全民造星V丨阿澤出局王鋒拍片道歉被質疑 網民斥：件衫同髮型都唔連戲【下一頁】
不過，疑被欺凌的Kingston在今日凌晨，於IG限時動態回應，他留言表示：「我真的很開心，能來到《全民造星》認識到那麼多又厲害又很照顧我的哥哥們，在這期間也都完全沒有被人欺負或霸凌，我的家人朋友還有戰羊們可以完全放心，I LOVE YOU ALL」。
60強至步的參賽者白水，他轉載了Kingston的post，並留言：「所以文章的真確性，請自行判斷，Thank You Kingston還了我們一個清白。」白水更來一個大控訴，指2月8日遭導演欺凌，白水出post留言：「樂導演，有樣嘢我收埋咗心入面差唔多五個月，本身諗住息事寧人就算。但你講起欺凌一事，詢問完不同朋友嘅意見之後，我決講出嚟畀大家知。記唔記得2月8號60強round 2比賽嘅自選項目綵排嗰日，你當住全部人面前用我個名嚟笑，幫我改名，叫我X水？嗰陣係記者會之前嘅一兩日，所以《造星》仔仔準備見人嘅日子。你哋好多人圍住喺一廠門口大電視位度傾fans club名，而我靜靜地企咗喺隔籬聽。你哋講吓講吓，你突然見到我就講埋我一份，你當住大家面前用我個名嚟笑，話：『我諗到啦，你就叫X水啦，咁啲fans一見到你就會對住你嗌X水，係咪改得幾好啊X水？』嗰一刻你講完全部人圍住我喺度笑，當時我係覺得好唔舒服，有種被侮辱同被欺凌嘅感覺。我有提出『我唔鍾意呢個名，可唔可以唔好再講。』而你聽完都係繼續講，唔係淨係講一次，係不斷講，在場有幾多人聽到，你知我知。希望你可以諗清楚自己講緊啲咩，同時再諗吓自己做過啲咩。『至於邊個欺凌，似乎呼之欲出』。」
全民造星V丨王鋒IG發文認魯莽擅改舞步 Marf@COLLAR搭嘴即被炮轟【下一頁】
至於阿澤亦有轉載了Kingston的否認遭霸凌post，他留言提議：「將保留一切法律追究嘅權利！」阿澤還有就白水大控訴事件作出回應，他說：「其實好多事情唔講唔出聲，只係唔想事情發酵到一發不可收拾。呢件事，我希望可以盡快平息，希望大家集中番10強嘅表演，佢哋嘅付出唔應該畀一人嘅言論而被抹殺。就鋒澤事件，不論大家點睇，王鋒都承受咗壓力，大家畀啲空間佢專心比賽，呢個係我小小嘅心願。我對一個人有咩觀感係我嘅事，但呢個人嘅努力，仍然值得被看見。」
Kingston否認被隊長欺凌，白水反控導演當眾將他改名，網民似乎睇到眼都凸埋，紛紛留言「真相大白，Kingston已於IG澄清完全沒有被欺凌。原來曾偉樂導演係借觀眾對Kingston嘅同情心去幫Tsoul加分同埋影射佢仇人阿澤有份欺凌，心地極差。」、「尊貴嘅導演回應吓啦，同埋你改白水個名叫"X水" 邊個先係欺凌？」、「導演先係欺凌參賽者，真係X街！」
撰文：娛樂組
U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】