衛詩雅邀保錡上《衛食攻略》發噩夢 弟弟求包養狂flirt：你咁索唔收錢

衛詩雅在YouTube頻道的節目《衛食攻略》，最新一集請來自認花心的ERROR成員吳保錡，在介紹嘉賓出場時，自爆前一晚壓力大到發噩夢。保錡現身後就𠱁到她心花怒放，他向衛詩雅公開示愛，聲稱細個已經鍾意佢，大讚女方又靚又索，要求大他6年的衛詩雅包養，行為相當進擊。

同場加映：有線一哥丨李尚正女友積極抗癌令人生轉念 身心健康最重要：唔打算離巢

{{hket:ul-video id="8578"}}{{/hket:ul-video}}

{{hket:inline-image name="07081003.jpg"}}{{/hket:inline-image}}

{{hket:inline-image name="07081001.jpg"}}{{/hket:inline-image}}

衛詩雅在節目開場介紹保錡時說：「老實講，好少請嘉賓之前一晚會發噩夢，我噚晚真係發噩夢，因為我覺得呢個嘉賓好大壓力，之前有一集請肥仔（ERROR成員梁業）做嘉賓，佢就同我講有一個兄弟鍾意A Cup身材嘅人，話佢可能會鍾意我，我就決定請佢嚟。」

保錡坐下來就被提到有個訪問話他是花心，他直認不爽說：「係呀，我係花心，好似做好多嘢都唔夠專注，所以而家跑步練習專注。今日嚟講就唔花心，今日對住你就覺得你好靚，其他人我暫時唔覺得佢哋靚，所以今日唔花心。之後自動波講擇偶條件，「A Cup身材係我其中一樣嘢要，第二樣係要樣靚，第三要有才華，第四要佢有錢，第五要佢大我少少。（你鍾意大個你）係呀，你咁囉…，見到我嘅時候會妒忌我，你咁靚！」

衛詩雅與死神擦身而過嚇到講英文 目擊恐怖車禍兩車切線相撞【下一頁】

保錡再繼續發功𠱁衛詩雅，表明有睇對方演出過電影，「細個就鍾意你，不過我其實細你6年，以前睇你嘅《前度》、《紮職》，當時已經好鍾意，但係細個真係唔會睇嗰個人叫咩名，尤其是睇電影，只會知道電影嘅名，我以為連詩雅、衛詩雅係同一個人。」衛詩雅也呻被人認錯，最初被誤會是衞詩，又討論入行艱辛兼被人鬧的藝人，日後成就會好高，「我又唔係順風順水，但係又未至於被人鬧，我係『忽略』，最慘係呢樣嘢，到而家大家都會認錯咗，或者講唔出名。（而家就講得出）唔係㗎，前排先有人同我講『喂，恭喜你，你結婚』（指連詩雅同陳家樂結婚）。」

伍詠薇甫重P自拍好友遭殃 衛詩雅面形扭曲慘變羅茲威爾【下一頁】

當保錡被追問有甚麼問題想問時，他即向衛詩雅示愛求包養，搞到衛詩雅冧滋滋勁笑，「點解你未follow我IG？邊個唔緊要，我見到你有follow咗肥仔…，嗰日係咁同你示愛，你都唔follow我…，如果你係唔介意照顧我嘅，我OK！(求包養？冇可能就咁望就包養你，幾錢開個價計吓數）你有幾多就幾多。（最平係幾多）最平唔收錢都得，你咁索！（你對住個個女仔都講呢啲）唔係，要對住女人喎，因為女仔冇呢個財富…，太細個嘅細路女係唔得，同埋我冇咁有耐性同細路女講心經，我鍾意啲人成熟啲，因為姐姐會成熟啲溝通，大家唔會因為返唔返工、有冇陪佢而鬧交，因為大家都要做嘢，知道事業好，感情先OK，你事業唔好，感情一定差到黐咗線…如果同唔成熟嘅人拍拖，佢就會同你講感情排第一位，事業排第二位，呢件事係完全錯誤。」

（↓點擊圖片放大↓）

最後要給衛詩雅分數及講出一個缺點，保錡說：「10分滿分都有8分，外在條件非常之靚，但覺得你有一個缺點就係唔夠炫富，唔可以太貼地，以前打機嗰啲太貼地，有時要畀個貴氣自己。」他更希望下次有進一步發展，「下集有邊個？唔知，但係《衛食攻略》延續篇，就係我同詩雅姐嘅拍拖經歷。」

撰文：娛樂組

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】