朱敏瀚好榮幸成為JW首位緋聞男友 唔尷尬兼零避忌：冇影響我哋友誼

朱敏瀚和蔡潔今日到大埔超級城出席《星幕下的SUMMER CAMP》開幕禮，日前因一張「挨膊頭」合照而與JW（王灝兒）傳出緋聞的朱敏瀚，剛由清邁拍完旅遊真人騷返港，對於與JW的緋聞，朱敏瀚表示：「之前傳周嘉洛同陳瑩，我都預咗會傳我同JW，但無諗到套劇《痞子無間道》都未出就咁快傳我哋。」

同場加映：李日朗為醫嫲嫲入行迷失自我 「小顏術一代宗師」享受演大奸狗

{{hket:ul-video id="8638"}}{{/hket:ul-video}}

{{hket:inline-image name="ed0b43ca-a547-4ff4-85cf-278ff35bf7bb.jpg"}}{{/hket:inline-image}}

{{hket:inline-image name="e45eb722-6862-4262-9173-4fbf6ab43f18.jpg"}}{{/hket:inline-image}}

朱敏瀚強調自己並沒有將頭挨落JW的膊頭上，又指二人相處一向沒有避忌，但傳出緋聞後，令他有感要避忌一點，「第一日新聞出咗，我哋去到清邁，我都諗係咪要避忌吓呢？（有冇尷尬？）又冇，大家笑囉，我自己嘅睇法就係唔好理會，女仔就會有啲反應，但冇影響到我哋友誼。（佢男朋友有冇唔開心？）冇特別問呀，不過之前JW生日我哋有一齊食飯，大家都知呢單新聞係假嘅。（有冇心儀對象？）冇，人愈大愈難去開始一段關係，因為責任愈大。」

{{hket:inline-image name="d00e2a7f-080d-4d64-be63-039769fbc871.jpg"}}{{/hket:inline-image}}

對於成為JW緋聞名單中的第一位，朱敏瀚笑稱：「係我嘅榮幸，咁我都唔差嘅，聽講佢完全拒絕咗吳業坤，總之就唔好影響到佢同男友。」朱敏瀚亦表示得知舊愛余思霆被指與一名男生到日本旅行，他說：「佢係同親友一齊去，同埋佢係幫公司拍緊個節目，我哋有保持聯絡，知大家近況。（有可能復合？）唔知，依家嘅感覺幾舒服。」

{{hket:inline-image name="3bf317be-8727-4ad7-97b4-b6c4dc3220c3.jpg"}}{{/hket:inline-image}}

早前被指要拍《愛．回家之開心速遞》而未能到清邁的周嘉洛，卻突然現身清邁，朱敏瀚透露原來是節目組的套路，他說：「係節目組呃我哋，我哋去到酒店，嘉洛仲扮bell boy為我哋服務，佢戴晒假髮，又早我哋一日飛，所以我哋真係唔知，成個過程仲拍埋出嚟。好開心呢個行程有佢，因為我一個人一定應付唔到陳瀅同JW，我哋無嗌交，返嚟都仲係朋友，好感恩，呢個旅程考驗到我哋真係好朋友。」

{{hket:inline-image name="1.jpg"}}{{/hket:inline-image}}

而蔡潔則透露會在書展推出一本關於自己和愛貓「朱仔」的書，書中紀錄了一人一貓的生活點滴，蔡潔表示：「本書寫咗兩年幾，我冇搵代筆，仲覺得自己有啲痴線，因為我一手一腳做埋排版同策劃，嚟緊都同啲慈善機構傾緊一啲慈善合作，希望佢嘅貓生唔好咁單調，做多啲有意義嘅事。」

{{hket:inline-image name="54513538_979011982301088_3973653476849054770_n_600_600.jpg"}}{{/hket:inline-image}}

採訪、攝影：倪小珊