入行2年｜炎明熹年尾開演唱會想唱舊歌 A0 Gigi爆理想對象係霸道總裁？

炎明熹（Gigi）今日到商台接受謝茜嘉、梁文禮及Woody訪問，節目中除了宣傳新歌《Little Magic》之外，同時自爆在年尾會開演唱會，令一眾Gi炎粉相當期待！

同場加映：

Laugh Vacation丨193對住舞台劇前輩變鵪鶉 用另一面取悅觀眾：同平時笑點唔同

{{hket:ul-video id="8637"}}{{/hket:ul-video}}

7月19日是DSE放榜，謝茜嘉問到應屆考生Gigi對成績有幾多信心，她就表示：「有信心，係比想像之中好，同埋冇咁緊張，心入面係畀自己滿分！」又指即使入大學後都不會放棄唱歌，「想揀時裝設計，入咗心儀大學後仲會繼續唱歌，幾享受唱歌同學習一齊發展。」

{{hket:inline-image name="353.jpeg"}}{{/hket:inline-image}}

Gigi考完DSE後，日日都好忙，日前才到廣州擔任胡鴻鈞巡迴音樂會的嘉賓。Gigi︰「我都有放暑假嘅，去咗十日台灣，都係一場好好歷練，同埋都大開眼界，要諗用幾多錢，仲有天氣方面嘅考驗！」

{{hket:inline-image name="348324860_582269807222587_8281605216362932151_n.jpg"}}{{/hket:inline-image}}

訪問中，謝茜嘉問到Gigi有計劃開演唱會嗎？她本想賣關子，不過好快就自爆：「當然有啦！唔可以公開好多住…可能喺年尾，（聖誕節？）係呀！聖誕節附近，已經傾緊，有煥然一新感覺，都會翻唱舊歌。」今年會否出碟？Gigi：「仲要啲時間，因為歌仲未算多，要儲多啲，仲要啲歌要有概念，先可以連埋一齊出碟。」

{{hket:inline-image name="352845238_2521362231362730_7221693168150869293_n.jpg"}}{{/hket:inline-image}}

Gigi唱情歌，不過一直未有戀愛經驗，她表示知道嗰種感覺係點，因為有做朋友的感情顧問，「（拍拖）緣份到就會到。我又會開解朋友，感情疑難…佢紓緩咗，會幫佢分析，紓緩兩個人嘅關係，等佢哋無咁緊張…」

咁Gigi幻想自己係邊一個類型女朋友？「要取決男朋友係咩性格，先決定自己點表達。」有咩性格嘅男仔會吸引她？Gigi笑言：「細個成日睇霸道總裁嘅小說，不過呢個世界上會比較少，所以對方係一個好人就OK。同埋可能要成熟啲，因為我諗法都好成熟，所以佢要比我更加成熟。」

轉眼間Gigi已入行兩年，年紀輕輕的她對自己要求很高，在初初參加《聲夢傳奇》時因壓力大而生痘痘，「每晚都會捉住自己瑕疵唔放，因為一路有表演，嗰時比賽時開始生痘痘，而家好咗好多。（會唔會食嘢減壓？）我好搞笑，想食會食，通常表演就冇咩胃口，所以朋友問我點解食極唔肥，係因為我想食嘅時候會食好多，一唔想食嘅時候就會想嘔。」

炎明熹與同學飛台灣畢業旅行大解放 零偶包曬鬼馬相 粉絲：瀏海也放假【下一頁】

撰文：娛樂組