撞鬼自駕遊丨193英國遇女鬼 七仙羽聖物用得着 《ERROR遊2》屢遇靈異事件：解釋唔到

ERROR成員郭嘉駿（193）和鍾卓穎（Ash）早前飛往英國，為ViuTV拍攝15集全新靈探節目《撞鬼自駕遊》，並於周一（17/7）晚上10時半首播。節目中，兩人在古堡進行靈探，又用靈探機跟鬼溝通，193日前接受《晴報》電話專訪，談到在靈探過程中，有工作人員真的「瀨咗嘢」！

同場加映：靈戲逼人｜65歲魯振順曾與父親脫離關係 反對入大染缸娛圈 一包煙引爆矛盾

{{hket:ul-video id="8697"}}{{/hket:ul-video}}

{{hket:inline-image name="356.jpg"}}{{/hket:inline-image}}

{{hket:inline-image name="photo_11.jpg"}}{{/hket:inline-image}}

193透露出發前，七仙羽師傅給他們聖物，真的有效用，他表示︰「七師傅畀咗啲驅鬼工具我，有啲係招魂蠟燭，用完之後，我哋喺瀑布真係聽到女鬼哼歌嘅聲。七師傅又有粒仙丹，佢話如果任何一個人有問題就沖水飲，我哋真係有人用咗，真係瀨咗嘢！」選擇赴英國靈探，主要是想拍古堡，193：「古堡有好多年歷史，同埋我都幾熟識英國，我喺呢度都讀咗6、7年書，可以帶路。今次去咗我以前讀書嗰個城市，仲去埋我間大學...發生咗好多靈異事件，有日我收工攤喺張床玩電話，突然間電視着咗，嗰個台仲要播上世紀70、80年代好低清嘅MTV，超恐怖！驚到我即刻掹晒電視嘅電掣！」

{{hket:inline-image name="IMG_9771.jpg"}}{{/hket:inline-image}}

193全新探靈節目「領嘢」搵七師傅 與Ash自行公告寸ViuTV零宣傳【下一頁】

小時候的193膽小，不敢玩碟仙，反而經常看電影《陰陽路》，他相信玩完碟仙，與靈界溝通會有不良後果。長大後，他以科學角度去剖析所謂的靈異現象，說：「中學嗰陣畀鬼砸，科學解釋到，人太疲累，就會出現呢個現象。但係入咗ViuTV之後就開始信，拍咗好多靈探節目，發現好多嘢真係解釋唔到！仲要親身經歷。我第一次玩筆仙，都係因為拍七師傅《鬼同妳上位》。」

{{hket:inline-image name="89.JPG"}}{{/hket:inline-image}}

提到2019年拍攝《花姐ERROR遊 2》，193也遇過靈異事件，「我同男化妝師同房，喺日本犬鳴隧道拍完嘢，大家返酒店房，我玩電話，佢就瞓覺...我見佢口噏噏，以為佢發開口夢，點知佢第二日話我聽佢畀鬼壓，叫極我救佢，我都唔理佢！」

193郭嘉駿首演舞台劇「硬晒軚」 獲白只傳授「破處」經驗【下一頁】

{{hket:inline-image name="90.JPG"}}{{/hket:inline-image}}

過了數天，ERROR隨隊轉去台灣繼續拍攝，193說：「我同阿Dee（何啟華）同房，嗰間酒店好陰暗，我見嗰盞座地燈唔着，下意識就覺得燈膽鬆咗，諗住扭吓燈膽，點知輕輕掂一掂，燈膽就爆咗，傷咗我隻手，我覺得好邪，於是我哋換房。」

轉飛柬埔寨，193續與阿Dee同房，兩人在不同時間遇上同一事件，「嗰日大約凌晨1點幾收工，第二朝call time 6點，拍咗十幾廿個鐘都好攰，返到酒店房即刻瞓覺，瞓到凌晨5點幾左右，我突然間聽到門鎖嗰卧好似有人左右咁扭，我心諗如果有人打劫，阿Dee就瞓我隔離，冇事嘅！可以一齊對抗到個賊仔...於是我繼續瞓，當我瞓醒咗，阿Dee同我講半夜2點佢畀鬼砸，佢係咁叫我，我唔理佢，當時佢聽到門鎖不停被人左右咁被人扭，我哋事後睇過門鎖...唔係一種自然現象...」

{{hket:inline-image name="254.jpg"}}{{/hket:inline-image}}

193指每次出埠都希望住單人房，因為他是那種即使半點光也睡不着覺，但自從經歷過無法解釋的現象後，他笑說：「而家出trip，要開少少燈，甚至有人同房就最好。去到酒店房有咩一定會做？最老土就係我會敲門或者撳鐘先，即係入住請敲門，呢啲係我細個時，屋企人教落。就算我以前唔信鬼，我都會照做，做咗又冇蝕底。」

撰文：黃曉妍

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】