撞鬼自駕遊丨Ash曾做護士揭醫院迷信有禁忌 英國靈探全靠七師傅仙丹保命

ViuTV節目《撞鬼自駕遊》正在熱播，ERROR成員郭嘉駿（193）和鍾卓穎（Ash）飛往英國，到各個猛鬼熱點進行靈探，兩人誓要做「小鬼王」和「小鬼女」。

同場加映：譚偉權拍劇角色被定型決意離巢 中年無阻續夢感激太太無限支持

{{hket:ul-video id="8748"}}{{/hket:ul-video}}

{{hket:inline-image name="skllme20230718207.JPG"}}{{/hket:inline-image}}

{{hket:inline-image name="photo_8.jpg"}}{{/hket:inline-image}}

Ash早前接受《晴報》專訪，對於她未入行前，曾任職嬰兒ICU護士，她表示在醫院遇過靈異事件，「有個藥櫃要用密碼開，開唔到，跟住搵個護士長過去，佢一開就開到，因為佢睇到嘢，佢話有個小朋友撳住咗個櫃，同事聽到嚇到花容失色。」坊間經常流傳不少醫院的禁忌，例如護士會袋住鉸剪作為辟邪之用，Ash說：「我哋把鉸剪係用嚟對住電話，因為驚半夜要收症，所以我哋會迷信，打開把鉸剪對着電話，有時真係work；同埋唔好食紅豆沙，因為見紅，其實老一輩嗰啲一定信。」

撞鬼自駕遊丨193英國遇女鬼 七仙羽聖物用得着 《ERROR遊2》屢遇靈異事件：解釋唔到【下一頁】

Ash的家人篤信基督教，又因為有靈異體質，所以曾遇上靈異事件。她從小在家人口中聽過不少鬼故事，又會一起看鬼片，所以她深信有鬼神的存在，「今次我係向公司自薦，由細到大都見到（靈異節目）女主持好容易鬼上身、又喊、又叫、又嘔，係咪造假呢？所以如果有機會我都想試吓！」

出發前，七仙羽師傅給她招靈和驅鬼的法寶，「有鉸剪、有仙丹、招魂蠟燭、驅鬼嘅香，七師傅話夠用㗎喇！」當中仙丹更救她一命，Ash續說：「事緣我哋要住一間好猛嘅酒店，我就拎住行李衝咗入房，冇理過其他人，自己諗返起都覺得奇怪，嗰吓好似有少少『神推鬼㧬』，193事後同我講返，我當時個表情好奇怪，佢有敲過我房門，想入嚟睇吓間房係咩環境，結果佢開我房門，我就話『我唔得閒呀，我唔方便，好攰呀，我瞓喇！』跟住就嘭，閂房門，佢係嚇親退後兩步，縮一縮，但佢知道我平時講嘢唔係咁嘅語氣......我一個人瞓，因為我哋夜晚要set機拍低有冇奇怪事發生。」到晚上化妝準備出發靈探，Ash突然又痾又嘔，嘴唇變白，兼且感到頭暈，不過她沒有看醫生，Ash解釋：「嗰吓我係不在狀態，唔係水土不服咁簡單，因為我都試過水土不服嘅感覺，係好唔聚財，好想離開嗰個地方，大家叫我食七師傅粒仙丹，食咗真係舒服咗。」

193全新探靈節目「領嘢」搵七師傅 與Ash自行公告寸ViuTV零宣傳【下一頁】

{{hket:inline-image name="11.jpg"}}{{/hket:inline-image}}

雖然遇上難以解釋的經歷，但Ash沒有放棄，笑言已經「洗濕咗個頭」，只好繼續拍攝。提到她獨自在房內進行招魂儀式，「最唔舒服就係對住塊窗梳頭唱歌，完咗之後我要瞓番嗰間房，我嘅情緒係有少少激動，好想喊嘅狀態，覺得好大壓力，因為嗰首係外國版嘅禁歌，我唔想一個人，如果要我一個人，我會崩潰。之後大家坐低陪我傾咗一陣偈，個天有少少光，我先至夠膽瞓，可能已經拍到中間，心理上有少少影響。」

{{hket:inline-image name="photo_17.jpg"}}{{/hket:inline-image}}

{{hket:inline-image name="photo_19.jpg"}}{{/hket:inline-image}}

服裝：@yanyanknits

採訪：黃曉妍

攝影：林良明

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】