管家王｜廁所天花喉突然塌下半吊 險湧出污水淋頭屋主求救【專家拆解2大成因】

天花突冧水渠！一位網民家中浴室天花一條喉管近日突然塌下，一邊疑軟化變形，另一邊半天吊，險致水渠破裂湧出污水。有專家指出，喉管塌下與喉碼鬆脫或以強腐液通渠有關。

同場加映：

管家王｜關冷氣順手熄大掣易壞機 教你解決唔涼發臭滴水5大問題

{{hket:ul-video id="8696"}}{{/hket:ul-video}}

一名網民近日於Facebook群組發文求助稱：「廁所上面條喉突然跌落嚟！」從照片所見，喉管原本設於天花，然而其中一側喉底疑似軟化，以致另一側下墮。

網民出謀獻策

不少網民看到帖文後，紛紛出謀獻策協助，「通知保安，由保安通知樓上，同埋即刻搵房署屋邨主任，叫佢搵緊急維修，唔係唔知等幾耐」、「快啲搵牛皮膠紙黐住佢！」、「搵條嘢固定咗佢先，唔好畀佢跌落嚟，跟住影相報房署緊急維修。」、「點解唔落碼?即刻通知樓上單位啦，你唔托返正佢，樓上水浸呀！」

專家：喉碼鬆脫造成喉管塌下

資深驗樓師詹濟南接受《晴報》訪問時表示，相中塌下的喉管估計是上層單位的污水渠。他指一般舊式樓宇的污水渠，會經下層單位天花接駁到大廈外牆。他解釋，水管本應用喉碼牢固到天花或牆身，估計因為喉碼鬆脫令水管下墜塌下，輕則污水流出令整個浴室受污染，重則被塌下的水管扑傷頭部。

喉碼鬆脫2大原因

他指喉碼鬆脫一般有2個原因，其一是喉碼老化斷裂，其二是喉碼安裝不當，如喉碼與喉管不脗合或打鑿的孔洞太大令螺絲太鬆，久而久之喉管會開始輕微移位而鬆脫。他建議屋主先向管理處報告，再向樓上業主商討維修和賠償，師傅需要重裝喉碼及水管，類似工程一般能在8小時內完成，由於污水渠屬於樓上單位，維修費理應由樓上業主負責。

過量倒入通渠劑或致喉管腐蝕

除了喉碼鬆脫，喉管受損也會使其墮下，「裝修佬」負責人鄧世民（Simon）指出當中涉及兩大可能性，一是樓上業主使用過量腐蝕性清潔劑，如強力通渠劑令塑膠喉管被腐蝕軟化，二是將多款通渠劑倒入排水口，不同清潔劑中的化學成分互相產生化學反應。

Simon提醒，當喉管堵塞時，初時應避免使用化學方式清除異物，如通渠水有極強腐蝕性，容易令接駁位變軟，「因為太勁嘅化學可『乸穿』（腐蝕）喉」。他建議大家先嘗試使用物理方式清除異物，利用疏通小工具如通渠藤，相對於通渠水較溫和，亦不容易「乸」到喉管。

U Lifestyle App睇盡《晴報》新聞資訊及自家節目 ↓

↓↓同步更新、更快更順↓↓

【免費下載】