Anson Lo盧瀚霆@MIRROR開騷勁舞連場 兩度灑淚：流言蜚語和錯誤中學習成長

MIRROR成員盧瀚霆（Anson Lo）一連四場首個個人演唱會《ANSON LO THE STAGE IN MY SIGHT SOLO CONCERT 2023》今晚（23日）在亞洲國際博覽館開鑼，穿上全身白馬王子造型的教主以《一所懸命》和《Mr.Stranger》兩首快歌揭開序幕，超低腰褲除了令他露腰之餘，原來長褲兩邊都是喱士通花，見到教主入面肉色打底褲若隱若現，難怪現場粉絲瘋狂尖叫。

同場加映：譚偉權拍劇角色被定型決意離巢 中年無阻續夢感激太太無限支持

{{hket:ul-video id="8748"}}{{/hket:ul-video}}

7‧23亞博開騷︳Anson Lo盧瀚霆回應網上平放個唱門票 呼籲罷買黃牛：拼盡報答神徒【下一頁】

{{hket:inline-image name="DSC_1435.JPG"}}{{/hket:inline-image}}

Anson Lo今晚開騷，之前一直有傳黃牛「炒燶飛」，在網上以低至半價出售門票，不過教主完全未有被影響心情，他更揚言會好好做好演出，報答神徒們。結果，今晚開騷場館幾乎完全爆滿，神徒們準備好教主招牌粉紅色的造型和燈光，為偶像吶喊，開騷前更特別大集合，一齊唱歌和為教主打氣，非常有心。

Anson Lo唱完《角落生物》後跟全場「神徒」打招呼，「歡迎大家嚟到第一個屬於盧瀚霆嘅舞台，呢個舞台好特別嘅，第一、呢個舞台成日有人歡呼，第二、會大嗌盧瀚霆個名嘅，第三、個特點係無間斷地講『我愛你』。」不過一向愛錫神徒的Anson Lo都溫馨提示叫大家留力，因為之後還有很多時間慢慢嗌。

接下來AL深情地與大家分享，「入行4年幾我大個咗，變咗好多，同剛出道時好唔同，但變係好事，長大咗，有唔同經歷，當中亦有唔少錯誤、好多嘢會後悔、好多流言蜚語、有好多新聞，但全部都是假！但呢啲旅程令我學好多嘢，成為呢一刻大家見到嘅我，好似好官腔，但可能係我一個自我保護機制，係一個講話形式。接下來呢首歌，當我軟弱時、否定自己時會聽嘅歌。」隨後他唱出許廷鏗的《重新長大》，以及日前推出的新歌《浪漫殺死巨蟹座》。今次是他首次公開獻唱新歌《浪漫殺死巨蟹座》，Anson Lo問大家：「呢幾晚睇MV，有冇人喊？我拍嗰陣喊咗好多次，因為描述自己一向嘅待人接物。點解開騷前去拍MV？因為想將成件事好完美咁送畀大家。」

{{hket:inline-image name="DSC_1451.JPG"}}{{/hket:inline-image}}

{{hket:inline-image name="924c3498-3ea3-4c77-a9c4-ac73f83ce9e7.jpg"}}{{/hket:inline-image}}

互動Q & A丨Anson Lo哮喘藥隨身神徒擔心 自信做爸爸有耐性：身教好重要【下一頁】

今次演唱會的機關設計較少，只有升降舞台，不過Anson Lo特別準備一個T型的舞台，走向觀眾跟大家近距離打招呼。當《Megahit Megamix》前奏響起，AL從T台前端升上舞台，穿上黑色舞衣的他令全場尖叫，期間AL更不斷向歌迷比出V字手勢，隨後接連跳唱新歌《Nah》及《Turn up》。在過場片段中，AL一身白恤衫造型濕身透視，令神徒們興奮尖叫。到《Nice & Slow》時，與性感女Dancer動作火辣，坐大髀兼作狀錫錫摸身摸勢，令全場尖叫聲此起彼落，其後演繹張國榮的《偷情》更繼續騷性感，在台上除衫，露出白滑背肌，神徒們頂唔頂得住？

Anson Lo一舉手一投足都引起尖叫聲，他搞笑表演飲水，結果一樣哄動。他忽然有感而發：「想出Rock歌，但公司唔畀，想我繼續跳唱...講笑啫，公司絕對畀足夠資源，好想出先會出，但仲未搵到一首band sound代表作，遲啲有機會，你哋會聽嗎？今晚舞台，畀大家見到唔同嘅我，多謝大家今晚陪伴我，四年嚟我每一日都見到大家，喺唔同嘅場合同社交平台，見到粉紅色就諗起你哋，除咗粉絲仲係我團隊，唔同難關互相支持，每位都係神隊友。」

期間，Anson Lo一度感觸落淚，工作人員即刻遞上紙巾給他，台下大叫「盧瀚霆」以示支持，Anson Lo說：「肌要騷畀大家睇，喊都要畀你哋睇。大家為咗入場要用唔同電腦、排隊、食唔應該食嘅黃牛，甚至畀唔好嘅人Hold晒啲飛。」說時有點激動，之後續說：「為咗你哋喊得最多，唔知可以做啲乜去保護你哋，見到你哋畀人蝦我好嬲。」他又安慰神徒每晚無論幾攰都會花時間睇留言，「知道你哋好愛我，無論唔開心、軟弱同掛住你哋嘅時候，佢都會諗起你哋。」隨後教主表示要唱出一首連繫住他與神徒的歌《不可愛教主》，又再次喊起來，場內則飄滿粉紅紙碎，形成一片粉紅海。

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】

採訪：Pauline
攝影：林良明
撰文：娛樂組