Anson Lo尾場「表演」飲水兼狂送飛吻 神徒撲飛落空：令佢哋失望好虐心

MIRROR成員盧瀚霆（Anson Lo）一連4場的首次個人演唱會昨晚（26日）落幕。這是自去年7月MIRROR演唱會發生巨型屏幕墜下，壓傷舞者李啟言後，他獨自孭起的大型演出。

盧瀚霆克服心理障礙賣力獻唱，4場演出晚晚都喊。尾場表演更見不捨，回憶之前數晚的演出，又喊，跟「神徒」互動亦特別多，不時向台下歌迷送飛吻。神徒喜歡看他飲水/聽他的飲水聲，昨晚在台上他再度「表演」飲水，又打趣地說，叫神徒猜他穿上甚麼顏色的內褲。

同場加映：

張敬軒想盡辦法唔返屋企食飯 全因「姐姐」創意料理無啖好食

{{hket:ul-video id="8770"}}{{/hket:ul-video}}

{{hket:inline-image name="DSC_4193.JPG"}}{{/hket:inline-image}}

{{hket:inline-image name="DSC_3536.JPG"}}{{/hket:inline-image}}

{{hket:inline-image name="DSC_3475.JPG"}}{{/hket:inline-image}}

昨晚有隊友呂爵安、柳應廷和李駿傑捧場欣賞，盧瀚霆感激每晚出場的嘉賓，包括樂隊Dear Jane、陳慧琳和偶像蔡卓妍，後者保持22年的唱歌水準，跟他合唱《女人味》和《多謝失戀》。他完騷時接受訪問時笑說：「『1』年前左右啦，家姐同我每逢假期，都會同父母去商場，我哋必定會抽相卡，如果抽唔到Twins就會嬲同扭計，要抽10張左右先走。而家仲有保留住，當日我儲起晒有6、7本簿，儲齊晒覺得好有成就感。今次自己嘅騷好想邀請兒時…吖，唔係…係『1』年前嘅偶像。」他親自邀請，偶像亦立即答應，仲主動提出表演跳舞。

{{hket:inline-image name="DSC_4202.JPG"}}{{/hket:inline-image}}

{{hket:inline-image name="DSC_4247.JPG"}}{{/hket:inline-image}}

Anson Lo演唱會丨阿Sa任嘉賓出道22年保持水準 網民欽敬：用實力證明冇咪嘴【下一頁】

7‧23亞博開騷︳Anson Lo盧瀚霆回應網上平放個唱門票 呼籲罷買黃牛：拼盡報答神徒【下一頁】

演唱會上其中跳舞環節，盧瀚霆與女Dancer「埋身肉搏」，台下樂迷睇得熱血沸騰，不斷聽到有女神徒大喊『唔好再摸背脊』、『唔好再貼咁埋』之類的說話，他謂這些全是舞台效果，笑言：「最初諗都尷尬，覺得唔好意思，本來我哋跳係隔兩個身位，但排舞師就不停叫我哋再埋啲再埋啲，熟略咗就好啲，到On Show時候爭啲咀埋去呀！最緊要出嚟有效果。」

{{hket:inline-image name="DSC_3678.JPG"}}{{/hket:inline-image}}

盧瀚霆在台上感性地表示，經歷了迷惘期，說至哽咽：「過去一年好大壓力，我曾經同花姐講，我好似頂唔順喇！教父教母叫我停一陣唔好衝得咁快，自己都好爭扎，唔知要停還是繼續去，又因為你哋每個人，先有力量做我一直想做嘅嘢。」現場的神徒尖叫支持。

盧瀚霆真的十分非常超級愛錫神徒，記得第1場場演出時，得知有神徒買飛時遇上阻滯，無奈又心痛說：「無論係買飛或其他事，見到自己神徒畀人『蝦』我都會有感覺，想保護佢哋，為佢哋講番句說話唔係壞事，最重要有禮貌，同埋用品行去待人接物。同埋好戥佢哋心痛，有好多神徒入唔到嚟睇，有啲人第一晚諗住食黃牛，但畀人Hold住啲飛，好心痛令大家失望，虐心嘅係佢哋為支持我而東奔西跑，最後得個吉。」

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】

採訪：黃寶蓮