張慧儀IG曬「兒子」合照惹誤會 小鮮肉童星出身演出經驗豐富

周所眾知張慧儀有個養子張晃維（Hanson），兩母子感情要好，不時結伴出席活動。慧儀這日在IG上載一張合照，並以「我兒子長大了」來形容，令一些網友誤會相中人是她的兒子。至於這名十足韓星的「小鮮肉」，原來是童星出身的黃逸灝，跟慧儀在《守護神之保險調查》（2019年）飾演兩母子，在《法證先鋒IV》（2020年）內飾演黃浩然的童年版。

同場加映：中年好聲音丨許文軒愛唱歌意外成《好聲音》戰友 緋聞被當真：麥美恩結婚先會完

{{hket:ul-video id="8811"}}{{/hket:ul-video}}

{{hket:inline-image name="twobo_362976467_663189072031095_8588461252095203918_n.jpg"}}{{/hket:inline-image}}

{{hket:inline-image name="91159352_119107373042613_6183788097671528448_n.jpg"}}{{/hket:inline-image}}

童星黃逸灝在《守護神之保險調查》勁有發揮，飾演患上創傷後壓力綜合症的Gordon，最初幾場戲無法正常說話，只能靠表情演出，同慧儀的母子戲好感人；不過他2020年拍完《法證先鋒IV》後，沒有繼續幕前演出，亦沒有更新他公開的社交平台，原來是去了加拿大升學，最近趁學校假期返港，於是約了「媽媽」張慧儀見面，相當之乖仔。

野外步出3玩野加大馬︳張慧儀被尖銳問題搞到眼濕濕 同方紹聰緣於《丫鬟大聯盟》【下一頁】

張慧儀在IG上載合照並開心留言：「《我兒子長大了》，5年前，劇中（即《守護神之保險調查》）我的兒子，眨眼間已經是一個成熟、懂事、獨立、小帥哥！祝你在海外：學業進步、生活愉快！」網友見到黃逸灝最新近照，大讚他靚仔之餘，有些人誤會是慧儀的兒子，他們留言話：「好靚仔，要多啲陪媽咪，保護媽咪。」、「好靚仔喔。」及「帥仔」。慧儀為免引起誤會，亦有回覆網友話：「是劇中的兒子…」

張慧儀計劃與養子返大馬過年 望落實通關離港工作賺錢【下一頁】

慧儀接受《晴報》訪問時開心表示：「呢個仔係喺加拿大讀書，其實已經過咗嗰邊，呢次係返一返嚟，好似過兩日就走，八月頭左右就返去。我哋5年前拍戲之後都冇再見過，但係有電話維繫，就冇見面，咁啱喺加拿大返嚟就約我見面，佢大個咗好多，時間過得幾快。」

（↓點擊圖片放大↓）

慧儀指她冇過問黃逸灝唔拍戲的原因，「始終佢都係學生，十幾歲讀中學，我諗就算去拍戲，都完成咗學業先，具體情況就冇問佢，只係知佢過加拿大讀書。（有冇好唔捨得佢去讀書？）咁又冇好唔捨得，因為佢始終放假會返嚟，到時可以聚一聚，我有同佢講最緊要係讀書，放暑假又可以返嚟，或者我去加拿大又可以多個朋友喺嗰邊，到我再搵佢嘅時候，可能佢又再大啲，可以帶我周圍去玩。其實佢而家比同年紀嘅小朋友，比較成熟同懂事。」

撰文：梁榮達

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】