Viu Chat丨練美娟拍飲酒節目嘉賓面露不悅 反省改善：真性情唔係藉口

人稱娟姐的練美娟，2017年加入ViuTV至今，除了參演過劇集《大叔的愛》、《反起跑線聯盟》、《季前賽》、《百萬同居計劃》、《極度俏郎君》等等，還有主持多個綜藝節目，其中在《晚吹 - 有酒今晚吹》，一邊飲酒一邊跟嘉賓聊天，娟姐也曾後悔酒後失控。

同場加映：

譚偉權拍劇角色被定型決意離巢 中年無阻續夢感激太太無限支持

{{hket:ul-video id="8748"}}{{/hket:ul-video}}

{{hket:inline-image name="31245.JPG"}}{{/hket:inline-image}}

{{hket:inline-image name="6.JPG"}}{{/hket:inline-image}}

娟姐早前亮相強尼主持的節目《Viu Chat》，提及自己為大眾所認識，是跟性情有關，她說：「成日都話做自己、真性情，我覺得講到爛咗，做自己同真性情反而係一個藉口去...」強尼接住說：「得罪人？口不擇言？」娟姐說：「我覺得係，我成日覺得事無不可對人言，但近排我係收斂咗，呢幾年嘅經驗，我應該有意無意得罪咗唔少人。」

練美娟後悔經常節目中飲醉 自責應該要懂得拿捏分寸【下一頁】

懂得觀人於色的娟姐，曾經遇過受訪嘉賓聽完她說話，即面有難色，她說：「呢件事都係飲酒時發生，就係拍《有酒今晚吹》，嘉賓可以係同行，又或者另一個範疇嘅人，我喺節目入面，見到一啲嘉賓係（面有難色）...其實唔只一個咁...我覺得要調節自己。」這幾個年頭，事業順風順水，娟姐都有不開心的時候，「我對自己要求好高，做完節目後，又覺得表現唔好，我會喺屋企喊，呢種工作態度先可以令我進步！又會帶畀我好多限制自己嘅枷鎖或者壓力...」強尼也勸她「放過自己」。

Pet Pet星丨練美娟愛犬烏冬演出《百萬同居計劃》 被愛狗之人Anson Lo不停送吻【下一頁】

{{hket:inline-image name="55.JPG"}}{{/hket:inline-image}}

提到愛犬「烏冬」，娟姐即場跟老師學整一個豪華版的狗蛋糕，她視烏冬為人生中最重要的角色，「我搬咗出嚟都至少8年，呢8年，佢係我嘅家人，係我同屋住嘅感覺多啲，其實佢係我嘅樹窿，成日同佢傾心事。最印象深刻嘅一次，係有一晚半夜3、4點，突然之間個肚好痛，痛到好似胃抽筋咁，烏冬feel到，即刻跑上嚟張床度，然後窩喺我個肚度，佢好似知道我唔舒服，好想幫我，嗰吓覺得咁人性化。有時唔開心返到屋企，烏冬走埋嚟舔我，好似安慰我咁，我就覺得乜嘢都抵晒，好窩心。」娟姐終於完成高貴版狗蛋糕，不過烏冬不肯吃，娟姐笑說：「佢出街唔食嘢㗎，呢個係佢高傲性格，佢返到屋企就會食㗎喇！」娟姐表示最開心就是，之前可與烏冬拍過《百萬同居計劃》，是一個非常好的回憶。

{{hket:inline-image name="57.JPG"}}{{/hket:inline-image}}

撰文：黃曉妍

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】