獨腳絲打噏丨蝦頭楊詩敏經歷疫情移民潮唔想再等 爆感情黑歷史：自嘲代表脫離悲痛

楊詩敏（蝦頭）離開電視台兩年來發展順利，除了電影《正義迴廊》帶領她走到金像獎角逐「最佳女配角」獎之外，她主持的網台節目《絲打圍爐》都相當受歡迎，無所不談，也大方公開過往拍拖的黑歷史。蝦頭決定將「絲打」關係搬上舞台，挑戰一直「好怯」的獨腳戲，不再躲在角色背後，而把自己坦蕩蕩跟觀眾分享。蝦頭形容現時人生處於最舒服的狀態，表示：「有冇感情都一樣可以逍遙自在！」

{{hket:ul-video id="8912"}}{{/hket:ul-video}}

機動兵工廠│蝦頭做導師被學員故事感動流涕 鄭中基搞真人騷希望貢獻業界【下一頁】

{{hket:inline-image name="DSC04243.jpg"}}{{/hket:inline-image}}

{{hket:inline-image name="DSC04269.jpg"}}{{/hket:inline-image}}

{{hket:inline-image name="43bdb8e6-f379-45fb-847b-98d577bcca4e.jpg"}}{{/hket:inline-image}}

{{hket:inline-image name="bb46d838-c58c-42af-863c-a4a44515b77e.jpg"}}{{/hket:inline-image}}

蝦頭將於9月在香港藝術中心壽臣劇院演出多場舞台劇《獨腳絲打噏》，以獨腳戲加上棟篤笑的形式再次跟觀眾見面，大談兩性關係，特別是不同階段女性的心態。她坦言，鼓起多年來的勇氣才敢面對自己不擅長的創作類型，「以前細個嗰陣唔係太最鍾意自己，唔係太欣賞自己，成日覺得生活上好不濟，反而舞台上就可以好放開，好多觀眾接觸蝦頭後，就覺得我好似啲角色咁，當我話自己冇信心，大家都話：『你唔好扮嘢啦！』總係認為我好堅強。《獨腳絲打噏》呢種形式我係從未做過，楊詩敏會多啲『出現』，流露心中所想，而唔係淨係躲喺角色背後，對我嚟講係唔容易嘅難關。」近年受疫情影響加上移民潮，香港各方面的轉變，令她反思「時間不等人」，加上好友火火的鞭策下促成今次演出，「既然我有嘢想講，有嘢想做，即使唔係擅長，都好想去試！」

現年47歲的蝦頭認為，人越大越認識自己，想清楚自己想過怎樣的生活，「我冇結婚冇小朋友，身邊好多朋友都係媽媽，我慶幸自由自在，同時都想讚揚一下呢班偉大母親，我對佢哋真係又愛又恨，見佢哋好辛苦咁奉獻自己，有段時間我直情唔搵佢哋，因為冇嘢好傾；另一方面又好妒忌佢哋有個完美嘅家，有屬於自己嘅小朋友...咁我就反思啦，作為女人，呢種生活係咪我想要㗎呢？曾經...我都好模糊，而家係清晰嘅，我追求嘅就係而家咁樣，鍾意做咩就做咩。」她認為沒有人能夠定義何為「好命」的女人，她希望透過各類角色的扮演，讓入場的觀眾能夠找到屬於自己的答案。

金像獎餘波丨蝦頭楊詩敏錯手轉發疑不滿賽果 被斥虛偽急向王菀之解釋【下一頁】

蝦頭近年在網台節目《絲打圍爐》中，以主持人身分跟連詩雅大談兩性關係，節目大受歡迎，她無心插柳第一次擔任主持，能夠得到不俗的反應，非常意外，希望將來可以邀請劉青雲、黃秋生，跟他們同場傾偈。對於她在節目中大方談及往昔奔放豪情的感情生活，蝦頭表示：「的確年少輕狂，有一段時間唔係好錫自己，只係追求一種刺激戀愛。我唔知真正戀愛係乜，真正一生一世戀愛係需要不斷學習、溝通同互相認識，呢啲嘢我以前完全冇理過！所以處處碰壁，我當時梗係唔會咁易放得低，聽到另一半出面有勁多女仔，我癲咗！節目入面呢種坦白令我可以抽離，睇番自己，以嘲笑方式去講出嚟，其實係笑番自己，代表我已脫離呢種悲慘。以前覺得冇愛情會死，我而家覺得好逍遙自在，最重要嘅係就算有感情定冇感情，我都一樣可以逍遙自在！」

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】 

撰文：楊安莉

攝影：何家賢

場地提供 : Red Academy