《愛回家》書蟲被野生捕獲轉行揸的士 林浩文認少劇開：男人要搵多啲錢

《愛回家之開心速遞》角色推陳出新，自從「天才聯盟補習社」宣布倒閉之後，幾位導師都各散東西，June（古佩玲飾）和Candy（葉蒨文飾）分別開占卜及美甲小店做生意，而面油（羅永健飾）則加入接龍集團做MT，不過書蟲（林浩文飾）暫時未有著落，不少網友都追問書蟲的下落。近日有網友在IG發現「書蟲」的蹤跡，發現林浩文竟然轉行揸的士。

同場加映：前無綫新聞主播丨麥詩敏報新聞嚴肅樣嚇窒大家 曾遇低潮感激爸爸麥振江陪伴成長

{{hket:ul-video id="8866"}}{{/hket:ul-video}}

愛回家丨心如未有歸期補習社執笠各散東西 面油書蟲面臨失業：其實都幾傷心【下一頁】

{{hket:inline-image name="124666403_113525807109579_1401898030032659304_n.jpg"}}{{/hket:inline-image}}

林浩文（小林）接受《晴報》電話訪問，他大方承認有兼職做的士司機，他說：「之前趁工作空檔就考咗的士牌，考完就做，已經做咗差不多一個月喇，每朝早5點就開工，做到下午5點收工，所以而家生活唔同晒，平時勁早瞓，瞓醒清晨4點天未光就攞車。」小林表示酒吧餐廳的生意已經易手，只剩工作室，由於近來完成《非常檢控觀》的拍攝後，暫時未有工作安排，所以趁放假就揸的士賺外快，「做男人始終都要搵多啲錢，不過真係好搞笑，有時乘客臨落車就會問我：『書蟲，你冇做《愛回家》喇？』咁樣，勁搞笑，不過佢哋都臨落車先講，搞到車程都冇乜機會交流一下。（尷尬？）冇，做得就預咗，反而真係想大家上車認得我就話我知，等大家可以傾吓角色同劇情嘛！」

《愛回家》「書蟲」｜林浩文與港姐冠軍邵珮詩六年情斷 「感恩有佢陪我行咗一段長時間」【下一頁】

提到揸的士的趣事，小林笑言由於不太熟路，曾經被乘客斥責兜路，「我知我衰唔熟路，但到埗之後佢就話：『呢啲司機真係唔得！』咁樣，其實每個人打份工都有起步摸索階段，唔會一起步就識晒全部嘢，我希望之後一路做會熟路啲，慢慢越做越好！」至於劇集工作，他表示在《非常檢控觀》飾演游嘉欣的哥哥，他跟一班孤兒院小朋友長大，周圍偷呃拐騙，角色相當有趣。問到《愛回家》的方向，他表示暫時仍然未知道「書蟲」的發展，自己跟觀眾一樣期待中。

{{hket:inline-image name="62f1349e-2c67-4462-a1d8-87813bae9af2.jpg"}}{{/hket:inline-image}}

{{hket:inline-image name="218191009_591128785386521_3305071772913338321_n.jpg"}}{{/hket:inline-image}}

{{hket:inline-image name="271917490_1577201935948702_4056827730627271328_n.jpg"}}{{/hket:inline-image}}

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】 

撰文：娛樂組