Pet Pet星︳朱晨麗收工返家聽到喵聲即忘憂 被愛貓抓傷唔識嬲：陪佢一世

朱朱（朱晨麗）從朋友處收養了一隻雄性長毛貓Mimi，一人一貓相處5年有多，朱朱已成為貓奴一族。早前朱朱因為工作忙碌關係，同Mimi少了見面及相處，身為主人的她竟然「被投訴」，搞到朱朱要在IG發文向網友呻一呻。

同場加映：中年好聲音丨許文軒愛唱歌意外成《好聲音》戰友 緋聞被當真：麥美恩結婚先會完

{{hket:ul-video id="8811"}}{{/hket:ul-video}}

{{hket:inline-image name="85e798e3-367b-49c9-a32b-c6ea44c1cfed.jpg"}}{{/hket:inline-image}}

{{hket:inline-image name="1571892e-2674-4631-97b3-2363ff848ecc.jpg"}}{{/hket:inline-image}}

朱朱透露當日朋友的貓貓生了兩隻貓仔，於是給了她其中一隻，她指純粹是因為喜歡小動物而收養，過程簡單又直接。朱朱說：「同佢有好多moment都好難忘，最難忘可以講係第一次幫佢剪趾甲。剪之前都有上網搵攻略，睇吓點樣剪先係啱，又唔可以剪得太深，好記得自己好小心咁剪，剪完覺得有啲成功感，因為佢仲係貓仔會郁來郁去，係幾大挑戰！」

PET PET星丨阮浩棕兩隻比熊兄弟各有性格 Cute樣背後好囂張：做指令勁唔樂意【下一頁】

至於發生過最驚險事件，就是貓貓從高處跳下來，她憶述當時情形：「最驚一次係整咗畀貓玩嘅掛牆，當佢跳到最高嗰度時，突然無啦啦喺上面跳落嚟，咁啱我又坐喺下面，我大髀就被佢啲趾甲劃親，有好大條痕。當時係即刻流血，我勁擔心有疤痕，之後有用退疤藥膏，好彩而家冇乜事，但好記得當時係超級痛又超級驚！」雖然話傷口好痛，但都無講好嬲，真係錫到Mimi燶晒。

{{hket:inline-image name="7c0ce8a9-6b78-43a2-8026-e9c795c31f5b.jpg"}}{{/hket:inline-image}}

{{hket:inline-image name="ed49e160-ac4c-4e2d-b91c-36584eaa67f6.jpg"}}{{/hket:inline-image}}

Pet Pet星︳文詠珊因拍戲結緣領養同劇狗仔 靠動物傳心師了解「囝囝」心態【下一頁】

寵物同主人很多時候都會有神奇感應，寵物會知道主人的喜與悲、樂與怒，有靈性地在身邊陪伴主人。朱朱笑說：「最開心互動係每次收工返屋企時候，開咗全日工成個人散晒，見到佢即刻感到一股朝氣，佢『喵』你一聲就感覺全世界唔同晒，佢嗲你時嘅感覺，好似有個人安慰緊你；有啲咩又可以同佢呻吓，所有唔開心嘅嘢就唔記得晒。」

（↓點擊放大睇圖片↓）

從朱朱的社交平台內不時見到她跟狗狗合照，朱朱似乎同動物有種緣分，她指平日很多狗狗會埋身，但不知道是甚麼原因，但暫時無想過要養多一頭狗狗，「想單獨寵愛咗貓先，唔想分薄咗啲愛畀第二啲小動物。如果想睇狗狗嘅話，好多朋友都有養，可以過去睇吓佢哋。（贊成領養這個方法？）贊成大家收養或者領養動物，多啲愛心畀小動物，飼養動物係要付出，要時間陪伴同要有耐性，始終佢哋唔係人，唔係用語言溝通得到，要需要主人多啲關愛，養佢由第一日開始就要陪佢一世，行完佢嘅人生之路。」

撰文：梁榮達

圖片：受訪者提供

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】