窪塚洋介突然露「小洋介」唞氣 不羈男神醉爆開live經常出事

日本男神窪塚洋介形象一向反骨、不羈，不過呢啲都係正面嘅形容，而佢呢個性格亦擄獲唔少粉絲嘅心。經常畀「驚喜」fans嘅佢日前又創新猷，今次佢竟然當住有2000人嘅直播露械，事後仲語無倫次，真係令fans們哭笑不得！

同場加映：演唱會完騷丨姜濤聽偶像小豬話完騷唔打邊爐 爆褲管內包晒繃帶免傷舊患

{{hket:ul-video id="8878"}}{{/hket:ul-video}}

窪塚洋介先前曾經飲到「啤啤夫」，直接喺直播中途瞓著；後來又喺一次直播中露出下半身恥毛，不過fans都係覺得佢可愛又真性情。日前佢就嚟個「感謝祭」，直接加碼畀「小洋介」唞氣，成個露晒出嚟同全球粉絲打招呼，真係睇到下巴都跌落地。

{{hket:inline-image name="e7f509fb313612d35d87297fbea80601.jpg"}}{{/hket:inline-image}}

直播中，窪塚洋介飲酒飲到不能自我，仲同友人展開意義不明嘅對話，之後突然企起拉低褲頭畀「小洋介」打出嚟，大大個放喺鏡頭前，仿佛呢個就係佢另一隻腳一樣，非常自然。友人立即口頭制止佢：「這樣不行啦，不可以、不可以！」，點知窪塚洋介仲要反駁：「你咁一本正經，我會討厭你喔。」之後又化身「警察」說：「我是警察，就出動囉；不好意思，現在警察要來了。」

當時直播有2000多名粉絲觀看，所有人都能一窺「小洋介」嘅全貌。不過相信窪塚洋介亦冇介意，完全冇爸爸、藝人包袱，而佢曾經清醒受訪時表示：「任何人可以做自己，我覺得可以做自己，當自己的人是最帥的。」睇嚟佢真係一個表裡如一嘅人！

窪塚洋介於經典日劇《麻辣教師GTO》中飾演高智商的叛逆學生「菊地善人」，有型程度好比男主角反町隆史。近年來，窪塚洋介的作品較少，主要接演藝術電影居多，也經常參加服裝品牌活動，係日本其中一個fashion icon。

圖片來源：Instagram