江欣燕稱當年奉子成婚嫁吳積遜 結婚前小產大受打擊 離婚全因一個字

江欣燕近日接受商台主持梁泰來節目《星光背後》訪問，大方談及她為人熟悉的兩段情，包括跟張衞健的初戀拍拖五年，以及跟前夫吳積遜（Jackson），首次透露原來當年跟吳積遜是奉子成婚，可惜婚禮前不幸小產，令她情緒陷入崩潰。兩人結婚多年，最終沒有生小朋友，2013年正式離婚。

同場加映：前無綫新聞主播丨麥詩敏報新聞嚴肅樣嚇窒大家 曾遇低潮感激爸爸麥振江陪伴成長

{{hket:ul-video id="8866"}}{{/hket:ul-video}}

法證先鋒V｜江欣燕得悉失憶老公另覓愛人爆喊 首演慘情媽媽：廿世加埋都冇咁苦【下一頁】

{{hket:inline-image name="KONG.JPG"}}{{/hket:inline-image}}

江欣燕1985年參加華星新秀殺入十強，一出道拍劇已是女主角，由唱歌變身演員兼扮嘢能手於八十年代創出事業高峰，近年密密接劇，由2007年開始，拍攝處境劇《同事三分親》、《十八年後的終極告白》及早前的《靈戲迫人》等，演技獲得觀眾認可。談及初戀情人張衛健（健仔），欣欣指健仔是早一屆的新秀冠軍，而她同屆參賽者吳國敬是健仔的小學同學，比賽期間健仔來探班因而認識及對她展開追求，「我嗰陣覺得佢好幽默！入行後佢仲教我睇劇本，教我做分場。」欣欣承認與健仔這段情一直備受爸爸反對，「因為當時我太細個，爸爸認定係佢教壞我，佢覺得如果冇拍拖，新秀比賽結果會好啲，唱歌會發展好啲，點會呢？我根本冇學過唱歌，亦從來冇諗過做歌手。」戀情長期受壓，欣欣指最後只是因為雙方工作繁忙，令她先提出分手，「我都想喺度解釋番，其實我同佢（張衛健）分手，同當時彼此嘅事業有冇起色係冇關係！只係想停吓，係和平分手！」

江欣燕2001年與拍拖十年的商人Jackson結婚，婚後淡出幕前做少奶奶。她首次自爆當年決定下嫁Jackson是因為「奉子成婚」，但結婚前夕卻經歷小產的打擊，「最初係驗孕捧兩條線中咗，爹哋好開心，個個都話結婚啦，Jackson又訂到生日嗰日個場地。點知到五月，我忙完爸爸媽媽結婚周年嘅主持，突然一次企高拎嘢就覺得雙腳冇力，搵醫生檢查之後，先發現胎兒冇生命跡象，醫生話呢種情況懷孕不足三個月係好常見，但我係接受不到，好失望，咁仲結唔結婚呢？但我已約了周刊做結婚專訪。」欣欣指結婚表面開心，其實她本人情緒崩潰了好一陣子。

江欣燕參加新秀為見偶像梅艷芳 「好似『鏡粉』鍾意MIRROR咁」【下一頁】

{{hket:inline-image name="VCG11395232886.jpg"}}{{/hket:inline-image}}

{{hket:inline-image name="VCG11395232889.jpg"}}{{/hket:inline-image}}

欣欣2005年復出幕前在亞視發展，直至2007年重返TVB拍劇，是否當時已經跟Jackson的婚姻出現問題？欣欣說：「07年我哋關係仲好好，拍番嘢只係我受夠自己糜爛嘅生活，2013年拍《M Club》我先離婚。」欣欣重申離婚與第三者無關，「因為同呢個人都相處咗二十年覺得悶，最大原因我中間拍番《畢打自己人》，搵番工作嗰種開心，感覺有番自己嘅世界，一個人更加開心，就不如分開。」單身十年，江欣燕稱暫未有找新對象的打算：「我結過婚嘛，係好恐怖嘅事嚟㗎，而家不知幾咁自由，哈哈！」

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】

撰文：娛樂組