破毒強人丨陳豪忙拍劇被愛女投訴唔見人 胡定欣心急脫單：太理智咪咁咯

今日無綫人氣劇《破毒強人》兩位主角陳豪(阿Mo)、胡定欣率領劇中演員到油塘宣傳。定欣的角色章琳投入兒女私情被嘲諷是「戀愛腦」，問及現實如何，單身的定欣尷尬稱努力中，又揚言「自己搞掂」，不用求助「金牌媒人」林盛斌。她感觸道：「拍拖梗係戀愛腦，仲咁理智？你睇下我太理智咪咁(單身)咯。」果然有苦自己知。

同場加映：寵愛Pet Pet丨何沛珈感激角色牽引走出喪母之痛 勤做主持演戲入屋：媽媽係我榜樣

{{hket:ul-video id="8916"}}{{/hket:ul-video}}

{{hket:inline-image name="X1.jpeg"}}{{/hket:inline-image}}

{{hket:inline-image name="X2.jpeg"}}{{/hket:inline-image}}

《破》劇上周收視升至23.6點，今日公布該劇第八集的七天跨平台總收視突破25點，成績令人鼓舞。定欣對收視報捷感高興，更透露在家中以100吋投影機欣賞劇集：「咁樣睇好正，好有電影感。」提到劇中感情戲，她自言被內地觀眾取笑太「戀愛腦」，周旋於陳豪、蕭正楠之間，更與後者嘴咀。下月踏入42歲的定欣被問到現實如何，身旁的阿Mo看來也替拍檔心急，忽然哈哈大笑。定欣尷尬道：「我努力中。(可有催林盛斌介紹？)哎呀，得o架喇，我會自己搞掂。」問及對方介紹是否不合心水，她僅稱會努力。至於現實中可是戀愛腦，她回應：「拍拖梗係戀愛腦啦，仲咁理智？你睇下！我太理智咪咁咯。」問及她要錢還是要人，定欣稱：「唉，要咗人先喇梗係，我無章琳咁偉大！」

{{hket:inline-image name="A1.jpg"}}{{/hket:inline-image}}

{{hket:inline-image name="X5.jpeg"}}{{/hket:inline-image}}

至於陳豪透露太太陳茵媺攜同三位子女已於周一從加拿大回港，但她們仍受時差困擾，阿Mo稱：「太太喺屋企好忙，我都知佢辛苦，又要準備仔女開學，一個湊住三個，我又開緊《企業強人》陪唔到佢哋玩。(被投訴？)有少少，個女話臨瞓前要話畀佢聽幾時返，朝早擘大眼要我喺度。」至於太太回港時乘坐客機獲安排入駕駛艙打卡，阿Mo稱：「機師邀請佢哋參觀，細路仔覺得好新鮮，亦係難得經驗。」

{{hket:inline-image name="A2.jpg"}}{{/hket:inline-image}}

{{hket:inline-image name="A3.jpg"}}{{/hket:inline-image}}

{{hket:inline-image name="A4.jpg"}}{{/hket:inline-image}}

另外，張曦雯(Kelly)自言有跟男友在家中欣賞《破》劇，但對方要靠英文字幕觀看，亦有身在美國的華人朋友追劇。蕭正楠則自爆外父、外母原本不看翡翠台，但也較好時間在每晚8時30分轉台捧場：「仲有人較鬧鐘去睇劇，好成功好開心。(睇完《破》劇就轉其他台？)咁就唔知喇。」他又透露月底到內地開個唱，年底則到橫店拍劇。至於個唱嘉賓，他說：「老婆(黃翠如)一月已幫我唱過。(佢歌藝可有被叫回水？)佢其實唱歌OK，我一直都想請身邊演員朋友上台，都睇過之前Kelly唱歌短片，兩個可以比拼下。」蕭正楠隨後急澄清：「Kelly你唔知我係讚你嗎？」記者指翠如、Kelly加郭柏妍合組魔音女團，他即笑笑口道：「係喎，佢哋呢三個組女團都ok。」

{{hket:inline-image name="X3.jpeg"}}{{/hket:inline-image}}

採訪、攝影：梁紹明

圖片：東星