人工智能港姐丨50年冠軍生成「完美司儀」似張秀文 車淑梅唔怕被AI取代：咬字要改進

《2023香港小姐競選》將於周日（27日）晚進行決賽，16位佳麗連日來積極備戰，競逐本年度香港小姐冠、亞、季軍、最上鏡小姐及友誼小姐榮銜。大會今年搞搞新意思，打破傳統將人工智能（AI）元素融入選美盛事。

同場加映： 寵愛Pet Pet丨阮政峰為冬甩配音衝破事業樽頸 唔急上位最重要學習：恰如其分

{{hket:ul-video id="8977"}}{{/hket:ul-video}}

大會特別邀請大數據專家車品覺先生擔任《2023 香港小姐競選》AI項目顧問，在麻省理工學院香港創新中心協作下，並聯同品牌傳播科，利用AI生成技術為決賽舞台增添新鮮感。當中包括「與未來的自己對話」、「參考DNA度身訂造 Q&A」等，大會將於日內陸續公布更多詳情。今日大會率先公布其中一項滲入AI元素的重要項目，就係今年其中一名大會司儀陳婉嫣（Evelyn），透過綜合過往50年港姐冠軍的參賽片段生成出來，係史上第一位AI港姐司儀！

{{hket:inline-image name="02.jpg"}}{{/hket:inline-image}}

大會除透過不同造型片段以及歷屆冠軍嘅自我介紹及對答精彩，生成出一位最接近完美嘅「香港小姐冠軍」作為是次決賽大會司儀。「Evelyn」及「陳婉嫣」名字由來，都係由AI根據歷屆冠軍中、英文名資料生成，意思係聰明同迷人，而姓陳就係由於「陳」姓佔香港小姐冠軍比例最高（共有6位）。而生成嘅AI非常有個「人」特色，真係好似一個完全未見過嘅「新人」，根據比例，佢有2％歷屆冠軍嘅「基因」，因此都係大美女一名，仲有啲似2010年亞軍張秀文。

大會今日仲公布咗評判陣容，有香港公益金董事及名譽副會長夏大衛博士、「甄愛慈善基金」創辦人暨2000年多倫多華裔小姐冠軍汪詩詩小姐、香港理工大學基金永遠榮譽主席鄺美雲太平紳士、陳振彬博士大紫荊勳賢，GBS，太平紳士，及香港電影發展局主席王英偉博士大紫荊勳賢，GBS，JP。最上鏡小姐評判則有著名模特兒暨禮儀及形象導師陳嘉容小姐、2012年國際中華小姐冠軍張曦雯小姐、藝術家馬興文先生及著名導演葉念琛先生。

另一邊廂，港台首個以真人為藍本的AI主持面世，車淑梅為港台台柱，因此成為AI主持原型。「AI 淑梅」由淑梅姐的外貌和聲線合成而成，由於廣東話有九個聲調，再加上每人都有不同的聲紋，要把說話語氣、節奏和聲線做得神似和流暢可謂難上加難，過程中已改良過十多個版本。「AI 淑梅」設計上以卡通化和玩味性較重造型出現，希望帶出淑梅姐笑容可掬嘅親切感。 淑梅姐表示唔怕被「AI 淑梅」取代：「『她』在咬字方面要繼續改進，證明我仍未被AI取代哩！」淑梅姐回想小時候雖然很愛播音，可惜說話時滿口客家話口音，中四時姐姐車森梅見妹妹對播音念念不忘，鼓勵佢積極改善發音，陪佢苦練廣東話，成就了後來字正腔圓的車淑梅。

圖片來源：大會提供