鄧小巧大爆許廷鏗攞錯謝茜嘉棚牙 飲醉酒狂流口水：仲係「拉絲」維加斯

由鄧小巧主持的網上音樂節目《Singaholic》第一集前晚（22日）正式於冤枉娛樂YouTube Channel上架，首集便請來同是「巨聲幫」出身、相識十四年的好友許廷鏗（Afred）任嘉賓，Alfred笑問為何請他任首集嘉賓，「係咪因為我幫你整完牙，所以你請我做第一集嘉賓當回禮。」

同場加映：掃毒3｜徐偉棟拒做徐少強2.0做自己 與妹相依為命成長：對佢好內疚

{{hket:ul-video id="8962"}}{{/hket:ul-video}}

{{hket:inline-image name="02.jpg"}}{{/hket:inline-image}}

提到牙齒便立即觸動小巧神經，決定要將Alfred的「惡行」公誅於世，「嗰陣佢畀咗個牙套我漂牙，我帶咗返加拿大。我帶咗下面嗰個，perfect fit，但一帶上面嗰個，棚牙唔係我㗎喎！個牙套唔係我㗎，係邊個㗎呢？係謝茜嘉㗎！哈哈哈！然後我攞咗個模出嚟，原來謝茜嘉棚牙係咁㗎！你幾認識一個人你都唔會將佢棚牙擺喺你個牙度，但係我將謝茜嘉棚牙擺咗喺我度。」此時，Alfred已經笑到喘不過氣來，然後才說：「放心，佢未帶過嘅，新嘅。」

{{hket:inline-image name="1.jpg"}}{{/hket:inline-image}}

小巧繼續大爆Alfred醉酒瘀事，「當時嘅許廷鏗仲係一個三字頭嘅巨星，喺旺角一個慶功宴上，當大家飲到興高采烈嘅時候，由於許廷鏗一直都係一個不勝酒力嘅偶像，嗰晚大概佢一個人獨自畀人灌咗一支以上嘅香檳。我冇份嘅，我知佢真係唔飲得，因為好耐《巨星》之前，佢因為飲咗唔知一杯定兩杯嘅cocktail，入咗廁所『分泌』番一啲酒精出嚟。」

{{hket:inline-image name="01.jpg"}}{{/hket:inline-image}}

說到這裏，Alfred便打斷小巧，「你講到文縐縐反而核突咗喎，哈哈！『分泌』一啲酒精出嚟喎大佬！呢句點出街呀？」小巧續說：「嗰陣慶功，全部樂手、嘉賓、工作人員都喺度，佢處於一個乜嘢嘅狀態呢？趴咗喺飯枱上面，然後飯枱有灘水，嗰灘水係咩呢？係佢嘅口水！因為佢太醉啦！工作人員要拉佢返屋企，抆佢起身嘅時候，啲口水會點呀？『拉~ 絲』維加斯，最後要連埋個冰桶同佢一齊上保姆車，因為佢要嘔住返屋企。」Alfred坦言自己「斷晒片」，而且十分後悔，「因為嗰度唔係淨係得主辦機構，仲有啲客戶喺度㗎大佬。」首集於一片爆笑聲中圓滿結束。

{{hket:inline-image name="3.jpg"}}{{/hket:inline-image}}

{{hket:inline-image name="4.jpg"}}{{/hket:inline-image}}

此外，Alfred日前舉行派對與粉絲見面，而《全民造星V》成員Hayson 、宇軒 、Oscar 、Tomy更參與出席。派對以「大排檔」作主題，Alfred表示：「我其實好鍾意食大排檔，特別係啲香口嘅嘢食，因為中式大排檔係圓枱，大家傾計好似方便啲，唔會分太多細Group。今次係第一次同Fans去大排檔，因為我女歌迷比較多，加上佢哋年紀比較細又溫文，以前都係去Café、唱K，多謝佢哋今次陪我癲，去一個『佬』味比較重嘅Party。」

{{hket:inline-image name="_MG_1372.JPG"}}{{/hket:inline-image}}

{{hket:inline-image name="_MG_1247.JPG"}}{{/hket:inline-image}}

撰文：娛樂組

相片：大會提供