李玟生前控訴丨播11年《中國好聲音》終宣布腰斬 網民揭周華健潘瑋柏「被轉身」

李玟生前控訴內地比賽節目《中國好聲音》黑箱作業錄音流出，引來唔少觀眾聲討，更引發公司股價大瀉，節目組雖然發聲明指錄音經剪輯，但隨後又爆出李玟於拍攝期間大鬧賽制不公片段，事件不斷發酵。播放《中國好聲音》嘅電視台浙江衛視今（25）日正式宣布腰斬節目。

同場加映：

掃毒3｜徐偉棟拒做徐少強2.0做自己 與妹相依為命成長：對佢好內疚

{{hket:ul-video id="8962"}}{{/hket:ul-video}}

浙江衛視今日於微博宣布腰斬正在播出嘅《中國好聲音·青春季》：「鑒於觀眾和網友反映《中國好聲音》的節目問題正在調查之中，該節目暫停播出。」

{{hket:inline-image name="11.jpeg"}}{{/hket:inline-image}}

《中國好聲音》2012年由「燦星製作」從荷蘭Talpa公司引入中國，並於當年起每年第三季度在浙江衛視播出。後來荷蘭Talpa公司終止「The Voice of China」在中國地區的授權合作，燦星製作失去版權後自行推出的同類「原創」節目，節目名稱在2016年-2017年為《中國新歌聲》，2018年改回原名，英文名則維持不變。

海量內地帳戶留言表示支持節目暫停，待《中國好聲音》調查後才再次播出，同時都有網民唔撐，更直指呢啲留言係Robot。《中國好聲音》自李玟控訴節目不公的影片、錄音流出後，有不少學員同藝人都為李玟發聲，爆出節目黑幕，甚至侮辱李玟的導演柳驪也被起底。李玟去年擔任《中國好聲音》導師，因腳傷無法久站，原與節目組溝通好，總決賽時學員王澤鵬於舞台上扶持她，但節目組竟臨時調走王澤鵬，致李玟痛到倒地，導播仲冇叫停拍攝，令佢無助地表演，另一導師梁靜茹上前攙扶都被插。

2023年《中國好聲音》亦因此被「逐格播」，本季擔任導師嘅潘瑋柏喺學員演唱到一半時，突然「被轉身」，節目畫面完全影唔到佢撳轉身掣，雙手放喺大髀上，而轉身後潘瑋柏表情驚愕，似乎轉身非佢所願；另一位導師周華健轉身後亦都表情尷尬。

撰文︰娛樂組

圖片來源：微博