馴夫術？丨吳若希曾火爆燒老公前度頸巾掟電腦 最少兩次抱女離家出走玩消失

31歲的吳若希（Jinny）跟澳門才俊何兆鴻（Alex）結婚多年，並育有一女一子，女兒Giselle已經6歲，而囝囝Kylian都差不多3歲。由於當年兩人高調拍拖，又突然先分後婚，加上婚後Jinny不時利用社交平台投訴老公Alex唔見人或者掛住打機，不時成為新聞話題。Jinny獲網台Chill Good《絲打圍爐》邀請，跟主持人連詩雅及蝦頭楊詩敏分享她的「馴夫術」。

同場加映：掃毒3｜徐偉棟拒做徐少強2.0做自己 與妹相依為命成長：對佢好內疚

{{hket:ul-video id="8962"}}{{/hket:ul-video}}

吳若希14歲愛犬逝世撐到最後一刻 Honey陪伴走過抑鬱結婚生仔【下一頁】

{{hket:inline-image name="jionny2.jpg"}}{{/hket:inline-image}}

{{hket:inline-image name="jinny1.jpg"}}{{/hket:inline-image}}

Jinny形容最令她容易生氣的是另一半跟閨密不避嫌或太親密，「我會覺得好唔畀面你個現任，相信任何一個女人都係小器，我係你女朋友，你同閨密幾咁close都好，我老公曾經都有個閨密呀，我哋拍拖啲嘢又佢同Share，佢哋又成日一齊飲酒，到我個女百日宴，邀請你過嚟，閨密喎！咁Friend又唔到？閨密係『龜』定『歸』呀？最介意呢啲女人，你不避嫌之餘，唔喺我面前出現呀！佢個閨密咁神秘，神秘到好似匿埋喺個龜殼入面咁。」

Jinny笑言跟老公相處大部分都是單向鬧他，「我好鍾意離家出走呀，因為我鍾意抱住個女離家出走，當你一聲不響咁走，代表你真係嬲！平時好鎖碎嘅都直接鬧，鬧完就冇事，大件事就會唔出現直接走。個女出世到而家，離家出走咗兩次！」

吳若希素顏變矇豬眼照拍親子片 被仔女糟質 網友：媽媽真偉大【下一頁】

Jinny笑指現時她跟Alex之間都有「第三者」，就是打機，她坦言這個問題每次有新Game出就會發生，她說：「我試過掟爛晒佢啲電腦，同埋燒咗佢個EX條頸巾囉，雖然唔關打機事嘅，不過喺佢打機期間，我發現咗呢條頸巾存在，而佢同我承認過有呢個前度，死口唔認嗰啲囉！」果然烈女！

Jinny表示由於家庭多了兩個孩子，自己脾氣都減退了不少，一定不會再做以上激烈的行動，加上女兒和囝囝都是可愛的天使，就算生氣，望到兩個孩子都已經立即「滅火」。她坦言Alex都有可取之處，她大讚老公很體諒工作後的情緒，「佢追求我時到後來有小朋友要結婚，係我事業上比較高峰嘅時候，佢覺得我因為家庭而冇令事業再進一步，呢樣嘢佢係一直放喺心入面。所以有時工作完返到屋企唔出聲，佢係極體諒型，唔會煩我，但就算打緊機都會望一望我瞓咗未。呢樣係何生做到100分嘅事。」

內容來源：https://www.youtube.com/watch?v=lwpCdPzVKMA

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】

撰文：娛樂組