劉錫賢曾因身形變肥被高層照肺 重提亞視欠薪：心痛400同事遭離棄

劉錫賢，人稱「亞視忠臣」，效力亞視28年，最令他回味的是亞視的人情味。亞視投資者拒絕注資，雪上加霜，不獲政府續牌，2016年4月2日停播；劉錫賢坦言這段日子由痛到恨，最心痛是400多位同事突然被公司離棄，日子如何過？

同場加映：陳美齡慨嘆香港教育過時要改革 67歲以父親箴言苦盡甘來享兒孫褔

{{hket:ul-video id="9080"}}{{/hket:ul-video}}

{{hket:inline-image name="10.JPG"}}{{/hket:inline-image}}

{{hket:inline-image name="34.jpg"}}{{/hket:inline-image}}

劉錫賢早前接受《香港演藝人協會》訪問，他與黃秋生、張達明、楊英偉是演藝學院第一屆學員，1988年畢業後，劉錫賢得到黃秋生引薦入亞視，他以時來運到形容自己，當時亞視行政總裁周梁淑、形象總監劉天蘭給他很多機會，是亞視力捧藝人之一，可惜一次失言被公司雪勸，他說︰「作為亞視力捧嘅藝人，居然唱衰公司，天蘭話暫時唔可以安排工作畀我。亞視有個好處，就係藝人少，雪藏我一個月，啱啱好世界盃，搵番我出嚟做主持，嗰日開始，我痛定思痛。」

健康旦丨劉錫賢曾患抑鬱體重暴跌60磅 全部指數爆標：靠老婆照顧控制【下一頁】

劉錫賢笑稱，做主持人經常要坐，身形開始變胖，被高層照肺，「高層話畀兩個選擇，一係減肥，一係拜拜！我真係暈咗喺度，我都唔知點減肥。」懊惱之際，他受幸運之神眷顧，在戲劇總監梁天叔安排下，進入劇組演戲，「每套劇都好難忘，最大發揮就係《我來自潮州》，當時估唔到有咁大嘅迴響，到而家都好回味。」

正所謂「寧做山寨王，莫做大國奴」，他解釋就算去到大國，都未必發揮到自己的專長，而亞視是他熟悉的地方，就像一家人，「就算規模細，我哋聚埋一齊嘅人情味係好濃，亞視canteen好細間，每日都有好多人，啲人唔開工都會返去，呢種人情味，的確係我留喺亞視28年最重要嘅動力。」

亞視忠臣丨劉錫賢感激兩位恩人梁天和翁虹 亞視味重：這是不變的事實【下一頁】

{{hket:inline-image name="31.jpg"}}{{/hket:inline-image}}

2016年亞視就資金問題遣散員工，劉錫賢：「公司第一次講無力再畀人工嗰段時間，我係由痛到恨，我啦，蔡國威...我哋仲講緊點做，要唔要繼續支持公司？順其自然發生嘅事，咁就冇得講啦，但而家呢個唔係自然淘汰，而係人為關係，冇咗電視台，董事局撤資，我同另一位幕後人員決定挺身而出，希望救一救亞洲電視。我第一個感覺係，我想保住400幾個員工，當時最心痛就係，突然間喺新年前發生呢件事，400幾個員工點過年？呢班員工幫你搏殺咗咁多年，你突然之間離棄佢哋，當時心頭的確係有啲恨，所以係由痛到恨！事件剛發生時，我仲硬撐，仲幫亞洲電視講好說話，到後來我一直數佢不是。」

{{hket:inline-image name="80.jpg"}}{{/hket:inline-image}}

柳暗花明又一村，離開亞視，劉錫賢收到不少劇團的邀請，還有拍攝其他電視台的劇集，他樂觀地說：「轉一轉個戰場，唔做亞視唔緊要，ViuTV搵我拍劇，有啲新鮮感。」 

撰文：黃曉妍

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】