颱風蘇拉丨何沛珈冒8號風球返《東張西望》 顏志恒開工森美照打波馬不停蹄

超強颱風蘇拉襲港，天文台今晨2點40分掛起八號風球，全港中小學幼稚園停課，雖然部分打工仔可以「放風假」好好休息，不過不少工種都需要謹守崗位繼續返工，包括小編......同娛樂圈的藝人。何沛珈今日就要返TVB繼續主持《東張西望》，聽到颱風威力咁厲害，她都難免擔心返工放工的情況，網上表示︰「超強颱風蘇拉來勢洶洶，請所有在颱風下仍要返工嘅人士多加小心，早啲返屋企，或留在安全的地方。願大家在暴風下安然度過，平安無事 #我準備返工啦 #今晚7:30見 #我都有啲擔心未必返到屋企 #東張西望同事繼續緊守崗位」。

同場加映：

破毒強人｜郭柏妍嘆追求者約睇戲後冇下文 唔急破「A0」羨慕丁子朗身邊多靚女

{{hket:ul-video id="9008"}}{{/hket:ul-video}}

寵愛Pet Pet丨何沛珈低調認戀阮浩棕 狂讚男方勤力：佢好畀心機【下一頁】

{{hket:inline-image name="DSC02238_600.jpg"}}{{/hket:inline-image}}

{{hket:inline-image name="ROX2_600.jpg"}}{{/hket:inline-image}}

{{hket:inline-image name="371738868_207960342272905_7633482242591250752_n.jpg"}}{{/hket:inline-image}}

何沛珈下午4點許乘坐公司安排的接載車，準備返將軍澳電視城工作，她不忘開直播分享情況，她說：「而家返《東張西望》，一陣要開會，之後化妝就直接做直播，我唔係返新聞部，我係做《東張西望》。」期間，車長搞笑踢爆她已準備零食開工，數量有如便利店之多，非常瘋狂。不少網友留言估佢有返工冇收工，叫佢去休息室過夜，她說：「吓？仲話有鬼？都有聽聞過，所以我都唔敢去！我要返屋企！」當中有網友建議她叫緋聞男友阮浩棕接收工，展現風度。

何沛珈接受《晴報》電話訪問，她表示：「屋企人話我而家瘦到好似第三世界國家嘅人咁，叫我裝多啲嘢喺身，最好綁嚿鐵喺身，唔好被風吹走。而家九號風球真係有啲擔心，唔知點返去，雖然公司有車車我哋，但都有啲驚，因為見到將軍澳呢邊真係好大風，啲樹吹到歪晒，我喺電視城入面行都行唔郁。」

同樣要開工的，有在中環五星級酒店任職廚師的《中年好聲音》顏志恒，他今日清晨5點許在八號風球之下返工，風雨不改為市民服務，絕對值得尊敬。顏志恒一邊行一邊拍片，當時天還未光，他說：「而家朝早5點幾，行緊去搭港鐵返工，有兩樣唔同，而家係八號風球，好彩冇落雨。收工我要去機場博覽館REHEARSAL綵排《星光熠熠耀保良》，希望一切順利，GOOD SHOW！」

{{hket:inline-image name="BNES.jpg"}}{{/hket:inline-image}}

{{hket:inline-image name="BNSS.jpg"}}{{/hket:inline-image}}

{{hket:inline-image name="349218357_189727106945261_5035196143293993769_n.jpg"}}{{/hket:inline-image}}

森美半個月花$960打「富貴籃球」 網民指成為「目標」：當book咗個場【下一頁】

電台主持森美都有繼續返電台開咪主持《早霸王》，而今早較早時間，返工前更去籃球場練波，非常有心。他網上留言：「風行得慢，八號風球水盡鵝飛，暴風雨嘅前夕，所以大家都係小心啲，我出嚟嘅時候見到好多人跑步，快啲跑完，做定防風措施啦！小心！」之後他在電台節目開咪，拍檔梁嘉琪笑他曾經指責婆婆帶孫女踩單車但自己卻八號風球打波，他解釋：「因為今朝真係冇風冇雨，睇埋天文台預告真係雨帶都未到。婆婆同孫女都老弱嘛，我唔使怕，只係顧住個波就得。不過今朝打波嗰陣，見到隔離豪宅有一戶打開個窗望實我五分鐘，帶點憎恨，可能佢諗住八號風球可以瞓晏少少，點知我七點幾就去打波。」

{{hket:inline-image name="sammy1.jpg"}}{{/hket:inline-image}}

{{hket:inline-image name="sammy2.jpg"}}{{/hket:inline-image}}

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】

撰文：娛樂組