去邊啊Do姐丨林家謙獲鄭裕玲親自擔遮侍候 Do姐拒浸溫泉：聽講你係衣冠禽獸

由Do姐（鄭裕玲）主持的HOY TV旅遊節目《去邊啊Do姐》，分別與林家謙、魏浚笙（Jeffrey）、Tyson Yoshi、洪嘉豪及應智越（細貓）到訪不同地方，出發前，Do姐希望大家不要刻意對她謙恭有禮。在昨晚首播的一集，Do姐與林家謙去到日本立川，林家謙指Do姐原來不是一位神聖不可侵犯的人，更笑指Do姐垂涎他的音色。

同場加映：怨泊｜何超儀求專業演出唔理老公彈醜樣 靠信仰祈求陳子聰度難關：密切咁求

{{hket:ul-video id="9076"}}{{/hket:ul-video}}

{{hket:inline-image name="5567567.jpeg"}}{{/hket:inline-image}}

{{hket:inline-image name="23413.jpg"}}{{/hket:inline-image}}

眾所周知，Do姐向來都是口齒伶俐，但原來林家謙轉數都好快，間中有意無意地戲弄Do姐。兩人去到立川一間酒店，Do姐表示會獲派兩個房間，林家謙說：「吓，係咩？我以為你想同我同房添！」Do姐即說：「嘩，唔好喇，聽講你間房好亂，我好整齊㗎！」林家謙笑說：「似醫院呀嘛！」Do姐續說：「我哋今日包咗半間酒店，因為呢度得4間房。」林家謙說：「好易包場，搵多兩個就得，不過唔好搵Tyson Yoshi。」Do姐好奇問他跟Tyson Yoshi不是朋友嗎？若不是那種關係，怎可以扭他的乳頭？林家謙否認：「我冇擰喎！」Do姐表示曾在social media中看過。林家謙解釋：「唔係呀，佢個lin lin擰我啲手指呀！」

去邊啊Do姐丨鄭裕玲爆林家謙要求同房同床 搞笑狠批：佢成個色狼咁【下一頁】

Do姐也沒他好氣，跟隨酒店職員看看自己的房間，Do姐表示會入住一間名為Asazuki，寓意日出的洋式客房，林家謙問：「日落係咪要換房㗎？」Do姐說：「我使唔使答你？我可唔可以唔答你？唔答你係咪好冇禮貌？」林家謙半句話也接不上。

他們參觀房間，房內有個和式浴室，另一邊是一個溫泉，林家謙說：「我哋一齊浸溫泉咯！」Do姐回：「得，冇問題，因為個池都好大個，我可以著住衫浸，點解你滿腦子都係諗呢啲？」林家謙急急解釋：「節目組同我講話可以同Do姐一齊浸溫泉，所以我先join之嘛！」Do姐說：「係咩？佢哋同我講，千祈唔好同林家謙浸溫泉，聽講你係衣冠禽獸！」林家謙事後跟節目組表示：「處女座女性都好麻煩，疑心咁重！」

《去邊啊DO姐》預告︳鄭裕玲扮小智捉「比卡超」魏浚笙 扮靚靚同Tyson Yoshi跳社交舞【下一頁】

{{hket:inline-image name="11.JPG"}}{{/hket:inline-image}}

在拍攝期間，恰巧遇著下雨，Do姐負責撐着雨傘，林家謙問道：「Do姐，會唔會好辛苦你呀？你係咪第一次『遮』人呀？」Do姐回他：「我係阿姐嚟㗎嘛，我梗係要『遮』住你啦！」林家謙聞後即說：「咁咪變姐姐囉！」Do姐聞後作狀拍打他。

撰文：娛樂組

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】