洪欣張丹峰送囡囡去夏令營似送嫁 孻女孻心肝眼濕濕：好捨不得

洪欣同細佢十年嘅中國演員張丹峰結婚14年，育有一女張晞彤（Yannes），一向視佢如珠如寶。早前二人帶囡囡去歐遊，非常溫馨，不過轉頭就要送阿女去參加夏令營，雖然只係半個月，但離別嘅時候都係依依不捨眼濕濕，真係為人父母先會明呀！

同場加映： 

陳美齡慨嘆香港教育過時要改革 67歲以父親箴言苦盡甘來享兒孫褔

{{hket:ul-video id="9080"}}{{/hket:ul-video}}

日前，52歲嘅洪欣同老公到機場送9歲女兒Yannes去夏令營，佢哋趁導師未到時同女兒細談，Yannes同媽媽擁抱，攬到父親實一實撒嬌，睇得出佢好唔捨得爸爸媽媽。Yannes又貼近媽媽耳邊講秘密，怕醜又得嚟又好可愛，最後導師嚟到一家三口自依依不捨講拜拜，唔知仲以為佢去幾多年呀！

{{hket:inline-image name="91.jpeg"}}{{/hket:inline-image}}

張丹峰之後拍片眼濕濕表示，呢次係首次畀Yannes單獨出門，今次一留仲要留半個月，阿女要喺營中會學習洗衫，做家務等，雖然唔捨得，都認為佢長大應該要學習獨立生活，洪欣喺機場表示：「好不捨得我們的小妞啊！」短短一句勝過千言萬語，當中嘅心情真係得爸爸媽媽先會懂！

洪欣、張丹峰近年經常鬧婚變，之前女方更發文指二人「不再是夫妻關係」，再傳出張丹峰疑與前經理人畢瀅藕斷絲連，離婚風波擾攘多日後，洪欣再道歉表示離婚係「情緒化的言論」，目前狀態仍然係合法夫婦。雖然不停鬧離婚，都無損佢哋對囡囡嘅愛，近日三人行去旅行，狂放閃力證感情回復恩愛如初，相信囡囡呢個「催化劑」都幫到唔少忙。

撰文︰娛樂組

圖片來源：微博