炎明熹素顏便服打卡答謝應援 代言人形紙牌慘遭強吻粗口問候

炎明熹（Gigi）下月舉辦首次個人演唱會，加上剛剛大學開學，可謂忙過不停。「Gi炎粉」為了預祝偶像演唱會成功，特別斥資在銅鑼灣的巨型熒幕賣廣告支持，而Gigi雖然好忙，都抽空去廣告熒幕前打卡留念，以行動答謝樂迷的支持。Gigi以素顏示人，架上眼鏡，戴漁夫帽和口罩，穿上一身Oversized便服到銅鑼灣打卡，她在社交網留言：「多謝 @yiminghay_fansclub 的每一位Gi炎粉及小火苗，為我第一個演唱會送上這份大禮物。接下來我會加油練習準備十月份的演唱會，我會加油的！謝謝大家的支持！」見她就算落雨都擔住遮打卡，絕對是令人感到窩心的偶像！

同場加映：

馬浚偉跨越喪母後遺情緒病 面對爸爸去年胃癌病逝：感恩無憾

{{hket:ul-video id="9111"}}{{/hket:ul-video}}

炎明熹水上音樂會狂曬纖腰 《聲夢》《造星》破天荒同台合唱【下一頁】

{{hket:inline-image name="xxanql5ur2riwlat88lg.jpg"}}{{/hket:inline-image}}

{{hket:inline-image name="377497693_168302829640033_1575654824189980856_n.jpg"}}{{/hket:inline-image}}

{{hket:inline-image name="376841212_1002842084365753_3821531274552041962_n.jpg"}}{{/hket:inline-image}}

除了打卡之外，Gigi早前抽空與八位粉絲一起到餅房做月餅義賣，收益在扣除開支後，全數撥捐「沙律貓狗之家」，為流浪動物機構籌款。今次活動，由Gigi的歌迷會一手一腳籌劃，除了為慈善，同時慶祝Gigi出道兩周年，名為「Gigi炎明熹出道2週年慶祝活動慈善義賣嘉年華」，將於9月16、17日舉行，為控制人流，歌迷會會員只能帶同兩位朋友出席。當日除了會義賣Gigi有份做的月餅，還有多款限量精品，包括由Gigi親手繪畫的手繪布袋、演唱會簽名海報等，希望為流浪動物機構，籌得更多善款。

第一次做月餅，Gigi坦言製作過程有點戰戰兢兢，尤其要準確地預備每一種材料的份量，每一個步驟都不容有失。「因為第一次做，所以有啲手忙腳亂，加上每個步驟唔可以急、亦唔可以錯，需要好大嘅耐性同記性，好在現場有老師一步一步教我同fans應該點做，我哋會義賣一百盒，每盒有四個，售價$218，流心奶黃係主打，仲會混合芝麻味同柚子味，我有試食，特別鍾意柚子味，少有啲，好好味，fans仲好細心，設計咗幾款餅模，其中一個仲係歌迷會嘅logo。」由搓餡、做皮、倒模、以至掃蛋醬入焗爐，Gigi都有參與，歌迷會更特別訂製了圍裙給她，上面印有模仿Gigi樣貌設計的公仔「Gi囡」，當穿起圍裙時，Gigi也忍不住說：「我好似大廚！」

另外，當日歌迷會安排了一部爆谷機，恭賀Gigi兩場演唱會爆賣，她說：「嗰日好多第一次，第一次做月餅，第一次整爆谷俾自己同fans一齊食，但我唔敢食太多，因為要好好保護把聲，不過整爆谷好好玩，睇住佢爆開，心情原來會好興奮。」除了落手落腳做月餅，Gigi亦會現身嘉年華幫手義賣。「其實最辛苦係歌迷會，花咗好多時間搞今次活動，當日會有攤位遊戲，又有打卡佈置，仲有個2米高嘅Gi囡公仔俾fans影相，到時我會落去幫手，因為中秋節正日（9月29日）我應該要閉關準備演唱會，嗰日可以同fans提早慶祝中秋節。」

炎明熹Gigi做新生幾日代表大學出活動 遺憾去唔到Ocamp：想識新朋友【下一頁】

不過，近日Gigi代言的快餐店人形紙牌就慘遭「騷擾」，有名為「光頭Bob」的網紅上載IG影片，他竟然在快餐店門外，狂吻Gigi的人形紙牌，由嘴巴吻到落下半身，非常瘋狂。而事主亦不斷向紙牌粗言穢語，辱罵Gigi，令其粉絲相當生氣和不滿。

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】

撰文：娛樂組