重回發跡地 龍婷下月旺角開騷

龍婷將於下月20日假旺角麥花臣場館，舉行《星夢交響慈善音樂會Part 2》演唱會。龍婷昨日出席個唱記者會，宣布加開21日一場，她更獲贊助商送贈40年陳皮及珍珠頸鏈。龍婷表示仍未開始綵排：「今次開四面台，每位觀眾都睇得好清楚，兩晚歌單都唔同，最好睇晒兩場。」嘉賓方面，她大賣關子，只透露並非《中年好聲音》的好友。

龍婷在旺角街頭獻唱出身，今次「衣錦還鄉」回旺角開騷，她說：「我入行前喺旺角街頭唱咗一年，今次返去喺正式場地、歎住冷氣咁開騷，多謝大家咁多年支持。」提到《中年好聲音2》正播出，龍婷表示有追看，「我用一個享受角度去睇，同埋我有兩位街頭表演認識嘅朋友都入咗圍。」

採訪、攝影：Pauline