JJ賈曉晨自爆掌管樊少皇全部物業 難忍老公粗心：每日想殺佢101次！

今年初樊少皇喺社交平台誤將「離開」打成「離婚」，令大家都以為佢同老婆賈曉晨（JJ）情變，好方及後貼出全家福證一切安好。6月底時JJ再於社交平台表示「跟某人無法溝通」，雖然後來刪走帖文，卻再傳婚變，她日前以代言人身分出席美容店開幕活動，大談同老公目前關係。

同場加映： 

萬能綠葉王丨楊證樺大小角色照博盡深受監製喜愛 望與太太沈可欣攜手演到終老

{{hket:ul-video id="9177"}}{{/hket:ul-video}}

JJ日前接受訪問，直指老公經常付佢崩潰，婚姻一直係「邊緣」狀態，指自己曾經睇過一本書，講一對結婚50年夫妻，一日要諗50次離婚，而佢就唔係諗離婚，稱：「我係（每日）100次想殺咗對方，我而家係呢個狀態。每日想殺佢101次！」又指老公經常令到佢好激氣，「我覺得男仔諗嘢比較粗線條（粗心大意），有時激到嘔血，噚日我處理好多嘢，趕住接女，臨走之前遞嘢畀佢，但轉個頭佢唔記得咗攞，大佬！我覺得好辛苦，我已經遞到去你隻手，不過係好小事，每日經歷呢啲小事，就有啲崩潰。」

{{hket:inline-image name="49df41a7ly1hgpcl5ft6kj21y02lc1kz.jpg"}}{{/hket:inline-image}}

JJ表示如果離婚就冇人做佢老公「阿四」，而樊少皇全部物業都係寫佢名，稱：「如果佢同我離婚，佢會好辛苦，邊個好似我咁，幫佢做咁多嘢？同埋所有樓都係我個名，佢好蝕。」JJ自爆物業分佈香港及內地，掙到錢都會買樓，話自己唔識做其他生意。

雖然有時被老公激到嘔血兼崩潰，不過優點就係脾氣好，而JJ生日將至，送咩禮物老公都唔使估嚟估去喇，「梗係包包啦！包包可治百病，我都冇咩追求。」

撰文︰娛樂組

圖片來源：微博