中年好聲音丨支嚳儀生日首與羅啟豪台上合唱 「支心人」來自五湖四海最細僅11歲

今個月嘅4號係支嚳儀嘅37歲生日，支支一向都人緣極佳，呢個月嘅生日活動可以話係冇停過。而參加《中年好聲音》後，佢仲多咗一班fans同埋好戰友，日前就聚埋一齊同支支大搞生日P「支麻開門」，差唔多半個月都未慶祝完，真係人見人愛！

同場加映：萬能綠葉王丨楊證樺大小角色照博盡深受監製喜愛 望與太太沈可欣攜手演到終老

{{hket:ul-video id="9177"}}{{/hket:ul-video}}

支支生日派對現場有過百fans，除咗慶生，亦都係佢同「支心人」首次聚會，所以份外有意義。而支支都好有fans心，除咗現場同《中年好聲音》戰友合照之外，仲有預備禮物畀同樣係九月之星嘅「支心人」，唔怪得fans們都對佢「死心塌地」。

{{hket:inline-image name="3.jpeg"}}{{/hket:inline-image}}

被問到有咩生日願望時，支支願望都離唔開佢嘅生意同演藝事業，認真係新時代女性，支支表示：「Bakebe（支嚳儀開辦的烹飪學校）就希望開美加成功，因為嗰邊落成緊，下年可以飛過去同加拿大粉絲見面......梗係會想出自己嘅歌，其實而家都籌備緊，拭目以待。」支支又表示，喺生日會中多次被感動到，尤其係一班fans來自五湖四海，實在係唔容易：「有幾個環節都好有回憶，因為今日準備咗抽獎環節又有送獎品畀都係9月份生日嘅fans。咁抽獎環節係佢哋同我講嘅說話，好多fans我都未見過真人，原來一啲喺廣州同新加坡過嚟……過百人入面有一堆喺其他地方嚟，我好感動……」

另外，佢又指一位小妹妹fans令佢好深刻，亦覺得好開心能夠為大家帶嚟正面影響：「我都有同『支心人』合唱，有個妹妹11歲，佢話聽我唱《Mercy》之後就愛上咗我，一直支持我到而家，咁我哋就合唱咗一首《Mercy》，佢唱得好好，我好開心可以影響到咁多人。有好多媽媽級話自己第一次追星，話覺得成件事好正能量都好支持。」除咗fans，支支都好有前輩緣：「好感激兩位天皇巨星韋綺姍老師同蘇永康前輩一齊過嚟，仲有幾位《好聲音》戰友，羅啟豪啦，第一次同佢喺台上合作，仲有Benson同好耐冇同佢合唱嘅涂家堯，同埋過百粉絲，好圓滿、好開心，多謝！」

圖片來源：受訪者提供

立刻加入《晴報》WhatsApp頻道，獲取最新娛樂、健康及著數資訊，仲有送禮活動！
【https://bit.ly/3RnCHkV】
U Lifestyle App睇盡《晴報》新聞資訊及自家節目 ↓
↓↓同步更新、更快更順↓↓
【免費下載】