炎明熹（Gigi）出道兩周年，將會以18歲之齡開辦首次個人演唱會《Gi-Force》，門票開售時火速售罄，接下來她要努力閉關籌備及排練，希望將最佳表現呈現在觀眾面前。Gigi入行以來發展順利，在中港兩地都有不少支持者，有傳短短三個月登台勁賺500萬，傳她已搬家買樓，甚至將本名王佳恩改為王爖熹，似乎想轉轉運繼續「吸金」。她年紀輕輕懂得感恩，認為有很多人的幫忙才成就今時今日的自己，希望演唱會可以順利演出，親自答謝每一位。
同場加映：
枱底隧道丨ERROR割席死腳膠賣錯式感情觀 許願集郵心中女神靠「全民追星」？
炎明熹素顏便服打卡答謝應援 代言人形紙牌慘遭強吻粗口問候【下一頁】
Gigi對於出道短短兩年就開騷，大為感恩，一切都是意料之外的事，她說︰「我冇諗過做歌手，一心諗住好似媽咪咁做護士，點知做咗歌手仲開到演唱會，（諗住開紅館？）同事問過我想唔想開紅館，我覺得先汲取一啲經驗，因為紅館係大家熟悉嘅舞台，希望有經驗先上去。」她自知不夠歌，這次會選唱其他歌手的歌曲，亦會有長達13分鐘的串燒跳舞歌，絕對是一種挑戰，要把握時間多綵排練習。Gigi在前輩、老師、家人及粉絲「Gi炎粉」的陪同下成長，問到演唱會中是否有致謝環節？她笑笑口說：「講咗咪冇驚喜囉？等我避一下先！的確會有大家意想不到嘅嘢，安排咗但都未confirm晒，會有個特別時刻同大家分享。」
由中學畢業到成功獲得取錄入讀理工大學，Gigi一直以來堅持工作兼顧學業，看似成功了，她說：「工作時間可以編排，中學搞得掂，大學一定搞得掂。我同同學相處都好歡樂，人人都照顧我，所以好開心同感到幸運。其實我比較慢熱，仲記得第一日返學，我第一個到，然後鼓起勇氣主動同另外一位女同學打招呼，成功突破咗自己。」
炎明熹水上音樂會狂曬纖腰 《聲夢》《造星》破天荒同台合唱【下一頁】
15歲參加《聲夢傳奇》定必失去不少跟同學相處的校園時光，Gigi說：「失去時間一定會有，尤其中學階段，中四參加《聲夢》之前開始有訓練，當時冇得同同學出街玩，但同學好體諒我同照顧我，將來會盡量參加同學聚會。」未成年入行，她一直由姑丈照顧，就算平日返學、放學都陪伴左右，直至她滿18歲，身旁的助手位置換上了好姊妹。
Gigi坦言學習照顧自己，希望給予家人安全感，著他們放心，「我一向安全意識中等偏高，曾經細個放學返屋企行過天橋，遇到一位情緒有少少問題嘅人，突然向住我塊面一拳咁打埋嚟！幸好打唔中塊面，佢應該係想同我玩，但佢唔識點表達。呢件事之後，我有少少陰影，危機意識提升咗好多，成日覺得如果搭𨋢開門遇到陌生人拎住把刀咁點算？我有安全意識，所以我有時都會好保護自己，等屋企人唔使擔心我！」
立刻加入《晴報》WhatsApp頻道，獲取最新娛樂、健康及著數資訊，仲有送禮活動！
【https://bit.ly/3RnCHkV】
U Lifestyle App睇盡《晴報》新聞資訊及自家節目 ↓
↓↓同步更新、更快更順↓↓
【免費下載】
撰文：楊安莉
攝影：陳健珊
化妝：Stephen Lau @stephenmakeup
髮型：Ping @agneslai
造型：@lbynatalie
服裝：@fromclothingof_official
場地：Green House @gaiagroup.hk