《中年好聲音2》至今播出兩集，獲5燈滿分成績直接晉級的︰包括周文馨、吳萊邨、劉可及陳俞霏。餘下100強，人數不少，當中不乏有背景的參賽者，計有向氏家族成員向展鵬、鄧兆尊胞弟鄧兆榮、昔日童星「光頭仔」王嘉明、歌手鄭梓浩、2003年港姐季軍戚黛黛、前ViuTV藝人羅沛琪、第一屆《星光大道》第5名古淖文及第一屆《超級巨聲》劉威煌等，期待他們的出場。
身為向氏家族成員的向展鵬（Jeffrey），他的爸爸向華榮是電影公司老闆向華強、向華勝的四弟，家底有番咁上下。向展鵬雖然為人低調，早年曾於娛樂圈發展，做過模特兒及準備出碟。跟向展鵬相識卅年的梁思浩，在微博恭喜對方入圍《中年2》之外，同時爆了少少秘聞，稱︰「認識30年，相見如初嘅Jeffrey，今天你已經係年薪過千萬嘅高層，仍然會追尋自己嘅夢想。參加比賽《中年好聲音》，亦都成功地打敗5,300人，進入最後100強，希望你一切順利。還記得我們認識時，你簽咗畀小美，我簽咗畀肥媽！轉眼幾十年，我為你加油啊！」
被爆年薪過千萬的向展鵬，早前接受傳媒訪問時，透露自小夢想成為歌手，從英國留學回來，簽約小美公司旗下，可惜轉了5、6間唱片公司也未能出碟；後來轉攻保險業發展，現已是資深保險總監，近日涉及JPEX案件的林作，亦曾是他旗下的團隊。
（↓點擊放大睇圖片↓）
據知，當日林媽媽得知林作有意在保險行業發展，便指名要兒子跟向展鵬學習，後者直認此事，他說：「係真嘅，佢話個仔想入行，想跟我，話覺得我個人比較老實，覺得冇人可以跟，係得我！」林作後來因為抽水出事，被保險公司炒魷，繼而投資加密貨幣市場，近日因而捲入JPEX案件，相信向展鵬也始料不到。
」，
App內睇文同睇片可隨時捕捉U Fun彩蛋，
換領現金券及禮品！
↓【社群送禮】送ZAO深層倍潤護膚套裝！↓
↓為肌膚注入保濕力量↓
↓【限時搶⚡】MG Spirit西班牙清新水果酒！↓
↓ 獨特微醺體驗 / 西班牙釀製 / 天然新鮮果汁混合5.5%酒精伏特加！↓
