許家傑、周志文、周志康、翟威廉、羅天宇等跟多位圈中好友組成的Hero籃球隊，過往到訪不同學校作賽，希望透過籃球能夠推廣運動和正能量，組隊至今已經十年時間。過往球隊接觸的大多數是年輕人或者學生，隊友有感社會上不同階層人士都應受到關懷，所以近日舉辦第一次義工探訪活動。他們趁中秋節前夕，特別帶同禮物到老人院探訪哥哥姐姐們，同大家一齊提早做節慶祝。
同場加映：尹光愛玩乜都試誓要唱到90歲 「廟街歌王」籲政府搞旺夜市自救
巴士巡遊丨許家傑生日獲好友安排大陣仗慶生 Philip仔被「爸爸」真實年齡嚇親【下一頁】
在照片中所見，許家傑、陳偉洪、周志文、黎諾懿、何廣沛、孔德賢、張詩欣及其丈夫陳家勝等都有參與今次的義工活動，熱愛運動的他們帶領現場的長者做健身操，齊齊郁動手腳強身健體，又齊齊玩拋銀仔掟彩虹遊戲，長者們玩得非常投入開心。特別是《愛回家之開心速遞》和《你好，我的大夫》熱播中，不少長者都認出許家傑是「送水輝」，而何廣沛和孔德賢就是「辜醫師」同「彭醫師」，非常有趣。
許家傑接受《晴報》電話訪問，他表示：「之前疫情幾年來，好多長者受苦，一路都想做慈善活動，今次藉住中秋佳節，舉辦Hero第一次義工活動，反應非常之好，幾位好兄弟一齊去老人院探訪。我哋打畀朋友，結果大家都好熱心一呼百應，黎諾懿餐廳贊助月餅之外，仲有燈籠、家電、保健藥品、運動用品等等，真係好多謝大家咁幫手，一齊咁錫班哥哥姐姐。」
《愛回家》送水輝丨許家傑40歲圓夢麥當勞開生日會 帶粉絲遊小學舊地 重拾童年回憶【下一頁】
提到今次有不少較少在籃球場見到的面孔，許家傑笑言：「諾懿一直都係好兄弟，由Hero成立開始，佢周不時都問幾時一齊打波，但印象中都未有機會打過。不過佢真係好好，一聽到係慈善，勁爽快就問要幾多盒餅，再身體力行現身同公公婆婆玩遊戲，真係好幫手。何廣沛一向都有打開波，知佢呢排忙緊宣傳，但佢真係好好，聽到我哋第一次搞義工活動，義不容辭參加。」他表示希望將來Hero籃球隊除了打波之外，可以組織更多慈善活動，繼續回饋社會。
立刻加入《晴報》WhatsApp頻道，獲取最新娛樂、健康及著數資訊，仲有送禮活動！
【https://bit.ly/3RnCHkV】
U Lifestyle App睇盡《晴報》新聞資訊及自家節目 ↓
↓↓同步更新、更快更順↓↓
【免費下載】
撰文：娛樂組
