亞洲超星團｜丁子朗金毛造型洗走乖乖仔形象 鍾情新髮型：好多朋友話我後生咗

26歲的丁子朗（Karl）正在內地參與偶像選秀節目《亞洲超星團》，與分別來自香港、內地、台灣、日本、韓國、越南等65位參賽者爭入男團出道。丁子朗連月來在當地錄製節目，亦不時在IG分享自己最新動態。近日出po最新金毛造型照片，更是令人「眼前一亮」，網民表示認唔出！

同場加映：

尹光愛玩乜都試誓要唱到90歲 「廟街歌王」籲政府搞旺夜市自救

{{hket:ul-video id="9217"}}{{/hket:ul-video}}

丁子朗近日染了一頭金髮，與昔日形象截然不同，另外，相中的他雖然戴了口罩，仍然可以見到眼妝超重手，臥蠶亦好突出。之後丁子朗轉發了與余宗遙（Dez）的合照，可見filter下的兩人與平時樣子大不同，Dez笑言：「兩個MK仔。」丁子朗不忿「平反」：「明明只有一個！」

丁子朗接受《晴報》訪問，表示自己好鍾意呢個新髮型：「因為每次舞台都會呈現唔同歌曲同風格，所以要配合番。坦白講我好鍾意呢個新髮型，因為之前成日黑色頭髮，今次有啲衝擊。（洗走乖乖仔形象？）唔可以話洗走嘅，不過好多朋友都話我呢個髮型後生咗。」

{{hket:inline-image name="344561163_255393953620543_2871019430885403790_n.jpg"}}{{/hket:inline-image}}

其實《亞洲超星團》第一批宣傳照上傳網上時，已有指丁子朗妝容超誇張，唔同咗樣，質疑有關方面過分P圖。當時丁子朗回應本報：「見到都有啲嚇親！可能呢張相係base on唔同地方審美觀啦，希望大家都會鍾意，接受呢個新嘅我。」

{{hket:inline-image name="53_600.jpeg"}}{{/hket:inline-image}}

在《亞洲超星團》眾多參賽者之中，26歲的丁子朗算是最「高齡」，與年紀最細的參賽者相距11年。被指「高齡」參賽，丁子朗笑言：「的確我比起其他人年紀較大，有好多都係14、15歲，大佢哋10年。我覺得年紀冇咩所謂，唔會有限制，反而我年紀大少少心理質素平穩啲，我都係以學習心態參賽，同埋想睇多啲呢個世界。」

《亞洲超星團》參賽者名單｜26歲丁子朗「高齡」撼內地小鮮肉 三位《聲夢》幫出身 仲有兩個星二代參賽【下一頁】

立刻加入《晴報》WhatsApp頻道，獲取最新娛樂、健康及著數資訊，仲有送禮活動！

【https://bit.ly/3RnCHkV】

U Lifestyle App睇盡《晴報》新聞資訊及自家節目 ↓

↓↓同步更新、更快更順↓↓

【免費下載】

撰文：娛樂組

圖片：IG