電視廣播有限公司總經理曾志偉昨日（27日）率領《中年好聲音》、《聲夢傳奇》、應屆港姐，在會展出席一間報社的周年活動，同場還有曹眾、溫碧霞、呂良偉、葉童、胡定欣、譚俊彥、黎諾懿與太太李潔瑩等。
同場加映：尹光愛玩乜都試誓要唱到90歲 「廟街歌王」籲政府搞旺夜市自救
提到上月在台灣完成動脈瘤微創手術，志偉表示仍需複診，「恢復緊，始終係一個唔大唔細嘅手術，原來手術就係手術，精氣神係會失嘅，慢慢啦，ok嘅，越嚟越好。」問到志偉現時是否已全面復工？他笑說：「除非唔出糧囉，（而家可以飲酒未？）呢個未，（工作量會唔會減少？）已經好少，《獎門人》一個月先一次。」由於動過手術，志偉指仔女對自己十分緊張，管得很嚴，他說：「以前從來冇人管我，諗唔到到呢個年紀，管我就係啲仔女，今次真係好嚴，『唔好飲酒呀』、『唔好食啲乜嘢』、『早啲瞓呀』，我第二女，佢喺加拿大，見唔到吖嘛，所以好嚴囉，9點幾打畀我，問我『瞓未呀？』，我話『應承你，8點瞓！』，佢話『咁就乖喇！』，我話係朝早8點，哈哈哈哈！」
王敏奕心痛曾志偉太忙應多休息 讚老公係智慧老人：從冇鬧交【下一頁】
對於《亞洲超星團》因志偉早前要動手術而煞停，志偉解釋：「唔係因為我病，其實一路都錄緊，進行中，我係頭兩集，跟住搵咗蘇志威頂我，我諗第7、8集會返去，我希望11月底播出。」
談及肥媽涉及JPEX風波，志偉說：「呢件事牽涉好多藝人，但我哋不便講，始終都係一宗案件，同埋我哋都係猜測啫！」他自嘲為人較蠢，所以沒有投資虛擬貨幣。
曹眾息影15年重現無綫做嘉賓 現任上巿公司主席 凍齡更添貴氣【下一頁】
此外，曹眾以浙江省政協委員、中華文化發展基金會理事長身分出席活動，她透露現時仍有戲癮，她笑說：「見到志偉都想同佢講『記得有我呀』，不過見佢忙緊。」談及近況，曹眾表示最近在內地一所大學，修讀文學博士，至少讀3至5年，「其實我最想做香港同內地深度遊，因為我有呢方面10幾年經驗，而家啲人冇乜興奮嚟香港買嘢，因為有網購，我覺得香港仲有好多地方可以發掘旅遊，例如參觀香港嘅大學，佢哋都希望仔女嚟香港讀書，又可以同教授深度交流，亦都可以睇吓香港政府嘅設施等等，我覺得香港深度旅遊會好有前景。」
採訪：黃曉妍
攝影：馬駿傑
立刻加入《晴報》WhatsApp頻道，獲取最新娛樂、健康及著數資訊，仲有送禮活動！
https://bit.ly/3RnCHkV
U Lifestyle App睇盡《晴報》新聞資訊及自家節目 ↓
↓↓同步更新、更快更順↓↓
【免費下載】
